भोजपुर । नेपाल विद्युत प्राधिकरण भोजपुर बितरण केन्द्रले विद्युत महशुल नतिर्ने ग्राहकहरुको लाइन काट्ने कार्यलाई तिव्रता दिएको छ ।
विद्युत महशुल संकलन विनियमावलीमा उल्लेख भएअनुसार ६० दिन भन्दा बढी समयसम्मको महशुल नबुझाएमा ग्राहकको लाइन काट्न सक्ने ब्यवस्था भएकाले बाँकी बक्यौता रकम संकलनका लागि प्राधिकरणले यो अभियानलाई तिब्रता दिएको नेपाल विद्युत प्राधिकरण भोजपुर बितरण केन्द्रले जनाएको छ ।
“केन्द्रीय कार्यालयको परिपत्र अनुसार नेपाल विद्युत प्राधिकरण भोजपुर बितरण केन्द्रले बाँकी बक्यौता रकम संकलनमा तिव्रता दिएको छ, महशुल नतिर्ने ग्राहकहरुको विद्युत लाइन काटिने छ ।” नेपाल विद्युत प्राधिकरण भोजपुर बितरण केन्द्रका सुपरभाइजर राकेश कुमार दासले भन्नुभयो ।
प्रधिकरणले हालसम्म विद्युत बक्यौता बापत करिव सात लाख रकम लाइन काटेर संकलन गरी सकेको छ । भोजपुर बितरण केन्द्रअन्तर्गत जिल्लामा करिव २६ हजार ग्राहकले विद्युत सेवा उपयोग गर्दै आईरहेका छन् ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता