झापा । नेपाल-भारत सीमा भएर बग्ने जमुना खोलाले दुई दिनअघि बगाएर बेपत्ता भएकी झापा कचनकवल गाउँपालिका-१ झकुवाटोलीकी १४ वर्षीया किशोरी नेहारिका राजवंशी शव अहिले केहीबेर अघि फेला परेको छ ।
भारतमा रहेकी सानिमाको घरबाट आफ्नो घर फर्कने क्रममा शुक्रबार दिउँसो नेहारिका चमारभिट्टा पुल छेउबाट साइकलसहित बगेर बेपत्ता भएकी थिएन् । उनी स्थानीय पंचु राजवंशीकी छोरी हुन् । उनले प्रयोग गरेको साइकल घटनास्थल नजिक फेलापरेको थियो ।
साइकल भेटिएपछि उनको खोजी तीव्र पारिएको र घटनास्थल भन्दा करिब दुई किलोमिटर पूर्वदक्षिण धान खेत नजिक नेहारिकाको शव भेटिएको गाउँपालिकाका उपाध्यक्ष नवराज भट्टराईले जानकारी दिनुभयो ।
शव भेटिएको स्थान अफ्ट्यारो भएकोले आफू त्यहाँ हिँडेर पुगेको उपाध्यक्ष भट्टराईले बताउनुभयो । शव भेटिएको स्थान सोनामुनी नेपाल - भारत सीमाको नजिक पर्छ। सो स्थान भारतीय सीमाबाट करिब १ किलोमिटर उत्तर साविक घेराबारी-९ को मित्तल चिया बगान नजिक भएको उपाध्यक्ष भट्टराईले जानकारी दिनुभयो ।
घटनास्थलमा अहिले गाउँपालिका अध्यक्ष कालिन्द्रप्रसाद सिंह राजवंशीसहितको टोली जाँदै छ । सो टोली पुग्नासाथ शव उठाइने र कानुनी प्रक्रियाका लागि पठाइने उपाध्यक्ष भट्टराईको भनाइ छ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच