झापा । प्रतिकुल मौसमका कारण झापा अधिकांश शिक्षण संस्थाको पठनपाठन प्रभावित भएको छ । तीन दिनदेखि भएको निरन्तर वर्षाका कारण कतिपय पालिकाले विद्यालय शुक्रबारका लागि विदा दिएका छन् ।
प्याब्सन र एनप्याब्सनले सूचना निकालेर शुक्रबारका लागि सम्बद्ध विद्यालय शुक्रबार एक दिनका लागि बन्द गरेको जनाएका छन् । झापामा प्याब्सन, एनप्याब्सन सम्बद्ध सयौँ विद्यालय छन् ।
बाह्रदशी र हल्दिबारी गाउँपालिकाले पालिकामा सञ्चालित सामुदायिक तथा निजी विद्यालय आज एक दिनका लागि बन्द गरिएको जनाएका छन् । कतिपय विद्यालयले आफैँ सूचना निकालेर आज पठनपाठन बन्द रहने जनाएका छन् ।
धेरै पालिकाले १०:३० सम्म कुनै सूचना ननिकाले विद्यालय नियमित सञ्चालन हुनेछन् । शिवसताक्षी नगरपालिका-४ ओडारीचोकको त्रिभुवन माविका शिक्षक रामचन्द्र फुयालले विद्यालय बन्द हुने अहिलेसम्म कुनै जानकारी नआएको बताउनुभयो ।
उहाँले भन्नुभयो," नगर स्तरीय आन्तरिक परीक्षा चलिरहेको छ, हामीले कष्टका साथ आजको परीक्षा सम्पन्न गरेका छौँ ।" सो विद्यालयको भवन जीर्ण हुँदा छानाबाट पानी चुहिरहेको छ । प्राङ्गणमा घुँडाघुँडा पानी जमेको छ ।
त्यस्तै मेचीनगर नगरपालिका १० को धुलाबारी माविमा कक्षा ११ र १२ को कक्षा सञ्चालन भएको बताउनुभयो । सो विद्यालय दिउँसो भने सुचारु नहुने भएको छ ।
विद्यालयका पूर्वशिक्षक माया गुरुङको शोकमा धुलाबारी माविमा आज दिउँसोका कक्षा सञ्चालन नहुने हिजो नै सूचना गरिएको थियो । शैक्षिक अभियन्तासमेत रहनु भएको गुरुङको दुई दिनअघि निधन भएको हो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच