काठमाडौं । आइसिसी टी-२० विश्वकपको सुपर-८ मा अफगानिस्तानले अस्ट्रेलियाविरुद्ध सानदार जित हासिल गरेको छ । आइतबार बिहान सम्पन्न खेलमा अफगानिस्तानले अस्ट्रेलियालाई २१ रनले हराएको हो । अफगानिस्तानले दिएको १४९ रनको मध्यम लक्ष्य पछ्याएको अस्ट्रेलिया १९.२ ओभरमा १२७ रनमै अलआउट भयो । अस्ट्रेलियासँग भएका ६ अन्तर्राष्ट्रिय खेलमा अफगानिस्तानको यो पहिलो जित हो ।
अस्ट्रेलियाका ग्लेन म्याक्सवेलले ५९ रन बनाए पनि टिमलाई जिताउन सक्नुभएन । मिचेल मार्शले १२ र मार्कस इस्टोनिसले ११ रन बनाउँदा अन्यले दोहोरो अंकमा रन जोड्न सकेनन् । अस्ट्रेलियालाई अलआउट गर्न अफगानिस्तानका गुलबदिन नाबीले ४ र नवी उल हकले ३ विकेट लिनुभयो । मोहम्मद नावी, राशिद खान र अजमतुल्लाह उमरजईले एक/एक विकेट लिनुभयो ।
यसअघि टस हारेर पहिले ब्याटिङ गरेको अफगानिस्तानले ६ विकेट गुमाउँदै १४८ रन बनाएको थियो । अफगानिस्तानका लागि ओपनरद्वय रहमानुल्लाह गुर्बाज र इब्राहिम जद्रानले अर्धशतक बनाउनुभयो । गुर्बाजले ६० र जद्रानले ५१ रन बनाउनुभयो । करिम जन्नतले १३ र मोहम्मद नाबीले १० रनको योगदान गर्नुभयो । अस्ट्रेलियाका प्याट कमिन्सले तीन, एडम जाम्पाले दुई तथा मार्कस स्टोनिसले एक विकेट लिनुभयो । अफगानिस्तान सुपर-८ को पहिलो खेलमा इण्डियासँग पराजित भएको थियो भने अस्ट्रेलियाले बंगलादेशलाई पराजित गरेको थियो । एक/एक खेलमा हार र जितको नतिजा निकालेका यी दुवै टोलीको दुई/दुई अंक छ । रनरेटका आधारमा अस्ट्रेलिया अगाडि छ । अब अस्ट्रेलियाले इण्डिया र अफगानिस्तानले बंगलादेशसँग खेल्नेछन् ।
ADVERTISEMENT
अस्ट्रेलियाले सेमिफाइनलमा प्रवेश गर्न भारतलाई हराउनै पर्ने भएको छ । सुपर एटको समूह १ मा रहेको अस्ट्रेलियाले भारतसँग अन्तिम खेल सोमबार खेल्नेछ । भारत भने बंगलादेश ५० र अफगानिस्तानलाई ४७ रनले पराजित गर्दै एक खेलअगावै सेमिफाइनलमा पुगिसकेको छ । यो समूह १ मा भारत चार अंकका साथ शीर्षस्थानमा छ । सुपर-८ अन्तर्गत शनिबार राती सम्पन्न खेलमा भारतले बंगलादेशलाई ५० रनले हराएको थियो । भारतले दिएको १९७ रनको विशाल लक्ष्य पछ्याएको बंगलादेशले ८ विकेटको क्षतिमा १४६ रनमात्र बनाउन सक्यो ।
बंगलादेशका कप्तान नाज्मुल हसन शान्टोले ३२ बलमा १ चौका र ३ छक्कासहित सर्वाधिक ४० रन बनाउनुभयो । तान्जिद हसनले २९ तथा ऋषाद होसेनले २४ रन जोड्नुभयो । अन्य ब्याटर भने चल्न सकेनन् ।
भारतका लागि कुलदीप यादवले ३ तथा अर्शदिप सिंह र जसपृत बुम्राहले समान २-२ विकेट लिनुभयो । १ विकेट हार्दिक पाण्ड्याको नाममा रहृयो । त्यसअघि टस हारेर पहिला ब्याटिङ गरेको भारतले निर्धारित २० ओभरमा ५ विकेटको क्षतिमा १९६ रन बनाएको थियो । भारतका लागि पाण्ड्याले २७ बलमा ४ चौका र ३ छक्कासहित सर्वाधिक ५० रन बनाउनुभयो । विराट कोहलीले ३७, ऋषभ पन्तले ३६, शिवम दुबेले ३४ र कप्तान रोहित शर्माले २३ रन जोड्नुभयो । बंगलादेशका तान्जिम हसन सकिब र ऋषाद होसेनले २-२ तथा शाकिब अल हसनले १ विकेट लिनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच