लण्डन । आर्सनल इंग्लिस प्रिमियर लिगको दोस्रो स्थानमा उक्लिएको छ । बुधबार राती ब्रेन्टफोर्डलाई ३-१ ले हराउँदै आर्सनल अंक तालिकाको दोस्रो स्थानमा उक्लिएको हो । जितसँगै आर्सनलको १९ खेलमा ३९ अंक भएको छ । ब्रेन्टफोर्ड समान १९ खेलमा २४ अंकसहित १२औँ स्थानमा छ । १८ खेलमा ४५ अंकसहित लिभरपुल शीर्ष स्थान छ । तेस्रो स्थानको नटिङगम फरेस्टको १९ खेलमा ३७ अंक छ ।
घरेलु मैदानमा ब्रायन एम्ब्युमोको गोलमार्फत् अग्रता लिएको थियो । १३औँ मिनेटमा ब्रेन मेबुमोले गोल गर्दै ब्रेन्टफोर्डलाई अग्रता दिलाउनुभएको थियो । तर, आर्सनलले उत्कृष्ट पुनरागमन गर्दै खेल आफ्नो पक्षमा पारेको हो । २९औँ मिनेटमा ग्याब्रिएल जेससले गोल गर्दै आर्सनललाई खेलमा फर्काउनुभएको थियो । ५०औँ मिनेटमा मिकेल मेरिनोले गोल गरेपछि पाहुना टोली आर्सनलले अग्रता २-१ बनाएको थियो ।
ADVERTISEMENT
५३औँ मिनेटमा ग्याब्रिएल मार्टिनेलीले गोल गर्नुभयो । आर्सनलले शीर्ष स्थानको लिभरपुललाई पछ्याउने आफ्नो आशा जीवितै राखेको छ । आर्सनल अहिले लिभरपुलभन्दा ६ अंकले पछि छ । तर, लिभरपुलले आर्सनलभन्दा एक खेल भने कम खेलेको छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता