काठमाडौं । सूर्य नेपाल गल्फ टुर २०२४/२५ अन्तर्गत सूर्य नेपाल सेन्ट्रल ओपनको तेस्रो दिन तोरण विक्रम शाही समग्रमा ११-अन्डर २०५ को स्कोरमा शीर्षस्थानमा कायमै रहनुभएको छ । उहाँले बिहीबार १-अन्डर ७१ को स्कोर निकाल्दा एमेच्योरद्वय सदभाव आचार्य र राहुल विकेलाई चार स्ट्रोकले पछि पार्दै उपाधि जित्ने संभावनालाई बलियो बनाउनुभएको छ ।
एमेच्योरद्वय सदभाव र राहुल ५४–होलको समाप्तिमा ७-अन्डर २०९ को स्कोरमा संयुक्तरुपमा दोस्रो स्थानमा रहनुभयो । गोकर्ण गल्फ क्लबमा बिहीबार डिफेन्डिङ च्याम्पियन सदभावले दिनको उत्कृष्ट कार्ड निकाल्नुभयो । ६–अन्डर ६६ को प्रदर्शनमा उहाँ दोस्रो स्थानमा उक्लिनुभयो । राहुलले २–अन्डर ७० को स्कोर दर्ज गर्नुभयो । धरानका प्रो निरज तामाङले १–अन्डर ७१ को स्कोर जोड्नुभयो । समग्रमा ४–अन्डर २१२ सहित चौथो स्थानमा उक्लिनुभयो ।
दाबेदार नेपाल नम्बर एक भुवन नगरकोटीले ५–ओभर ७७ को खराब प्रदर्शन गर्नुभयो । यो प्रदर्शनमा उहाँ समग्रमा १–अन्डर २१५ सहित पाँचौ स्थानमा तल झर्नुभयो । जयराम श्रेष्ठ १–अन्डर ७१ को स्कोरमा, समग्रमा इभन–पार २१६ को नतिजा निकाल्दै छैटौं स्थानमा हुनुहुन्छ । समग्रमा २–ओभर २१८ सहित रवि खड्का, कृष्णमान राजबाहक, राजेन्द्र थापा मगर र सुनिल केसीले संयुक्तरुपमा सातौं स्थान बाँड्नुभयो ।
ADVERTISEMENT
रवि र कृष्णमानले समान १–अन्डर ७१ मा तेस्रो दिनको खेल सकाउनुभयो । राजेन्द्रले २–ओभर ७४ खेल्नुभयो । फाइनल ग्रुपमा खेल्नुभएका सुनिलले बिर्सनलायक ९–ओभर ८१ को स्कोर निकाल्नुभयो । यो स्कोरमा उहाँ पाँच स्थान तल झर्नुभयो । अनुभवी तोरणले तेस्रो दिनको सुरूवात सानदार गर्नुभयो । पहिलो, दोस्रो, पाँचौं र छैटौं होलमा बर्डी प्रहार गर्नुभयो ।
उहाँले ६ होल सकिँदा ४–अन्डर स्कोर गरिसक्नुभएको थियो भने नवौ होलको बोगीले फ्रन्ट नाइन ३–अन्डर ३३ मा सकाउनुभयो । तर, यसपछि ब्याक नाइनमा तोरणले लय गुमाउनुभयो । १२औं, १५औं र १६औं होलमा एक–एक सट खेर फाल्नुभयो । १३औं होलको बर्डीका बाबजुद ब्याक नाइन २–ओभर ३८ मा सकाउन बाध्य हुनुभयो । तर, पनि अन्तिम १८ होलको खेल बाँकी छँदा उहाँले आफ्नो अग्रता ४ स्ट्रोकमा पु¥याउनुभएको छ । सदभावले दिनकै उत्कृष्ट स्कोर कार्ड तयार गर्नेक्रममा कुल सात बर्डी प्रहार गर्नुभयो । पहिलो, तेस्रो र सातौं होलमा एक–एक सट बचाउँदा फ्रन्ट नाइन ३–अन्डर ३३ मा सकाउनुभयो । यसपछि ११औं देखि १४औं होलमा लगातार चार बर्डी प्रहार गनुृभयो । १५औं होलको बोगीले ब्याक नाइन ३–अन्डर ३३ मा पुरा गरे। अर्का एमेच्योर राहुलले सातौं र नवौं होलको बर्डीको मद्दतमा फ्रन्ट नाइन २–अन्डर ३४ मा पूरा गर्नुभयो ।
११औं होलको बोगी विरूद्ध १५औं होलको बर्डीले ब्याक नाइन इभन–पार ३६ मा सकाउनुभयो । चौथो स्थानमा रहेका निरजले फ्रन्ट नाइन १–ओभर ३७ र ब्याक नाइन २–अन्डर ३४ मा खेल्नुभयो । उहाँले पहिलो र सोर्हौं होलमा एक–एक सट खेर फाल्नुभयो भने १२औं, १५औं र १७औं होलमा बर्डीको सफलता प्राप्त गर्नुभयो । चार दिनसम्म चल्ने प्रतियोगिताको कुल नगद पुरस्कार आठ लाख ८२ हजार रहेको छ । जहाँ विजेताले एक लाख ५० हजार, तथा दोस्रो र तेस्रो हुने खेलाडीहरूले क्रमश एक लाख र ७५ हजार प्राप्त गर्नेछन् । शीर्ष २१ मा पर्ने अन्य प्रोफेसनल खेलाडीले पनि नगद पुरस्कार प्राप्त गर्नेछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच