साउदी अरब । क्रिस्टियानो रोनाल्डोको साउदी प्रो-लिग जित्ने लक्ष्यमा ठूलो धक्का लागेको छ । अल-अवल पार्कमा शुक्रबार राती भएको खेलमा पियरे एमेरिक औबामेयाङको गोलसँगै अल-कादसियाले रोनाल्डोको अल-नासरलाई पराजित गरेको हो । खेलको ३२औँ मिनेटमै कप्तान क्रिस्टियानो रोनाल्डोको गोलसँगै नासरले अग्रता लिएको थियो । तर, अग्रता जोगाउन नसक्दा रोनाल्डोको अल-नासर अल-कादसियासँग २-१ ले पराजित हुन पुग्यो ।
अग्रता पाँच मिनेट पनि कायम रहन सकेन । जुलियन क्विनोनेसले गोल गर्दै खेल बराबरीमा ल्याउनुभयो । ५०औँ मिनेटमा आर्सनल, चेल्सी र बार्सिलोनाका पूर्वफरवार्ड औबामेयाङले महत्वपूर्ण गोल गर्दै रियाद जाइन्टसँग समान २२ अंक पुर्याउनुभयो ।
ADVERTISEMENT
शीर्ष दुईमा दबाब कायम राख्ने लक्ष्य साथ मैदान उत्रिएको नासरलाई ठूलो धक्का लागेको छ । ११ खेलको समाप्तिमा नासरले २२ अंक जोडेको छ । तर, शीर्ष स्थानको अल-हिलालको २८ र दोस्रो स्थानको अल-इत्तिहादको २७ अंक पुगिसकेको छ । यी दुई क्लबले नासरभन्दा एक खेल कम खेलेका छन् । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
Video News Post
Breaking News with Advertisements
Breaking news with related posts