काठमाडौं । नेपाल प्रिमियर लिग (एनपिएल)का लागि एनसेल र नेपाल क्रिकेट संघ (क्यान) बीच सम्झौता भएको छ । एनपिएलमा एनसेल ‘पावर्ड बाई’ साझेदारका रूपमा आबद्ध भएको छ । एनसेलका प्रबन्ध निर्देशक तथा प्रमुख कार्यकारी अधिकृत जाब्बोर कायुमोभ र क्यानका सचिव पारस खड्काले सम्झौता पत्रमा हस्ताक्षर गर्नुभयो ।
प्रमुख कार्यकारी अधिकृत कायुमोभले एनपिएलसँग सहकार्य गर्न पाउँदा खुसी लागेको बताउनुभयो । ‘हामी नेपाल प्रिमियर लिगका लागि क्यानसँग ‘पावर्ड बाई एनसेल’ साझेदारी घोषणा गर्न पाउँदा अत्यन्त खुसी छौँ । यो साझेदारी केवल नेपालमा खेल प्रतिभा प्रवद्र्धन गर्नका लागि मात्र नभएर यस्ता प्रतियोगितालाई सफल बनाउने दर्शक र प्रशंसकहरूका लागि पनि हो,’ जाब्बोरले भन्नुभयो ।
ADVERTISEMENT
यसैगरी क्यानका सचिव पारस खड्काले एनपिएलको उद्देश्य प्राप्तिका लागि एनसेलसँगको सहकार्यले मद्दत गर्ने प्रतिक्रिया दिनुभयो । ‘एनपिएलको लक्ष्य भनेको क्रिकेट र हाम्रा खेलाडीहरूको विकासमा सहयोग गर्नु हो । हामी प्रतियोगितालाई विश्वकै प्रतिष्ठित क्रिकेट लिगमध्ये एकका रूपमा स्थापना गर्न चाहन्छौँ र यस दीर्घकालीन लक्ष्य पछ्याउँदै गर्दा खेलकुदको विकास र प्रवद्र्धनलाई निरन्तर समर्थन र साथ दिइरहेको एनसेलसँग सहकार्य गर्न पाएकोमा हामी आभारी छौँ । यसले आफ्नो लक्ष्य प्राप्तिमा सहयोग पु¥याउनेछ,’ खड्काले भन्नुभयो ।
प्रतियोगितामा आठ फ्रेन्चाइज टोलीको सहभागिता रहनेछ । लिगमा सुदूरपश्चिम रोयल्स, पोखरा एभेन्जर्स, जनकपुर बोल्ट्स, काठमाडौं गुर्खाज, चितवन राइनोज, विराटनगर किंग्स, कर्णाली याक्स र लुम्बिनी लायन्सले प्रतिस्पर्धा गर्नेछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता