अबुधाबी । दोस्रो ओडिआईमा बंगलादेशले अफगानिस्तानमाथि जित हासिल गरेको छ । शनिबार राती सम्पन्न खेलमा बंगलादेशले अफगानिस्तानमाथि ६८ रनको जित दर्ता गरेको हो । जितसँगै तीन खेलको ओडिआई सिरिज बंगलादेशले १-१ को बराबरी गरेको छ । पहिलो खेलमा अफगानिस्तान ९२ रनले विजयी भएको थियो ।
बंगलादेशले दिएको २५२ रनको लक्ष्य पछ्याएको अफगानिस्तान ४३.३ ओभरमा १८४ रनमा अलआउट भयो । अफगानिस्तानका लागि रहमत शाहले सर्वाधिक ५२ तथा सिलिकउल्लाह अतलले ३९ रन बनाउनुभयो । गुलवदिन नैबले २६, कप्तान हसमतुल्लाह शाहिदी र मोहम्मद नावीले समान १७ तथा राशिद खानले १४ रन बनाउनुभयो । बंगलादेशका लागि नसुम अहमदले तीन, मेहेदी हसन मिराज र मुस्ताफिजुर रहमानले समान दुई तथा शरिफुल इस्लाम र तस्किन अहमदले समान एक विकेट लिनुभयो ।
ADVERTISEMENT
त्यसअघि युएईको सारजहामा टस जितेर पहिले ब्याटिङ गरेको बंगलादेशले निर्धारित ५० ओभरमा ७ विकेट गुमाएर २५२ रन बनाएको थियो । बंगलादेशका लागि कप्तान नजमल हुसैन शान्तोले ७६ रन बनाउनुभयो । जाकिर अलिले ३७, सौम्य सरकारले ३५, नसुम अहमदले २५ तथा तान्जिद हसनले २२ रन बनाउनुभयो । अफगानिस्तानका लागि नान्गियाल खरोटिले ३ तथा राशिद खान र अल्लाह गजान्फरले समान २ विकेट लिनुभयो । दुई देशबीचको तेस्रो तथा निर्णायक खेल सोमबार हुनेछ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
Video News Post
Breaking News with Advertisements
Breaking news with related posts