नयाँदिल्ली । इण्डियन प्रिमियर लिग (आइपिएल)को मेगा अक्सनअघि फ्रेन्चाइजीले ६ खेलाडीलाई रिटेन गर्न सक्ने नियम पारित गरिएको छ । आइपिएलले ६ खेलाडी रिटेन गर्दा एक खेलाडी घरेलु अनक्याप खेलाडी हुनुपर्ने नियम बनाएको छ भने अन्य पाँच खेलाडी भारतीय र विदेशी जो पनि हुन सक्ने नियम बनाएको छ । त्यस्तै अब टोलीको पर्स सीमा पनि १०० करोडबाट बढाएर १२० करोड भारु पुर्याइएको छ ।
मेगा अक्सन यस वर्ष नोभेम्बरमा हुन सक्ने बताइएको भए पनि मिति भने अझै तोकिएको छैन । त्यस्तै यस वर्ष हुने मेगा अक्सनमा टोलीले राइट टु म्याच कार्ड पनि पाउनेछन् । एउटा टोलीले बढीमा ६ खेलाडीलाई टोलीमा राख्न सक्छ । यसले कोलकोता, सनराइजर्स, चेन्नई, राजस्थान र मुम्बई जस्ता खेलाडीलाई फाइदा पुग्ने देखिएको छ ।
हरेक पटक आइपिएल मेगा लिलामीमा विदेशी र भारतीय खेलाडी राख्ने सीमा तोकिएको थियो । तर, यसपटक विदेशी र भारतीय खेलाडीलाई रिटेन गर्ने कुनै सीमा छैन । फ्रेन्चाइजीले चाहेमा सबै पाँच भारतीय वा पाँच विदेशी खेलाडीलाई राख्न सक्छ ।
आइपिएल मेगा लिलामीमा राइट टु म्याच कार्डको पनि पुनरागमन भएको छ । टोलीले कुनै खेलाडीलाई रिटेन गर्न नसकेमा राइट टु म्याच कार्ड प्रयोग गरी मेगा अक्सनमा रिटेन गर्न सक्नेछन् ।
धोनीले अर्को सिजन पनि खेल्न पाउने
भारतीय क्रिकेट टोलीका पूर्वकप्तान महेन्द्रसिंह धोनीले आगामी सिजन पनि आइपिएल खेल्न पाउने हुनुभएको छ । यसअघि आइपिएलको नियमअनुसार उहाँले आगामी सिजन आइपिएल खेल्न पाउनुहुने थिएन । अब त्यो नियम परिवर्तन भएको छ ।
ADVERTISEMENT
आइपिएल सुरु हुँदा अन्तर्राष्ट्रिय क्रिकेटबाट सन्न्यास लिएको पाँच वर्ष भइसकेका खेलाडी अनक्याप्ड खेलाडीका रूपमा आइपिएल खेल्न पाउने नियम थियो । तर, २०२१ मा यो नियम हटाएर अन्तर्राष्ट्रिय क्रिकेटबाट सन्न्यास लिएको पाँच वर्ष भइसकेका भारतीय खेलाडी खेल्न नपाउने नियम बनाइयो ।
२०२१ को नियमअनुसार धोनीले आगामी सिजन खेल्न पाउनुहुने थिएन किनकि उहाँले २०२० को अगस्टमा सन्न्यास लिनुभएको थियो र २०२५ को सिजनमा उहाँले सन्न्यास लिएको ५ वर्ष हुन्थ्यो । तर, अब उहाँलाई अनक्याप्ड खेलाडीका रूपमा खेल्न पाउने बाटो खुलेको छ । यदि धोनीले आगामी सिजन खेल्नुभयो भने सन्न्यास लिएर अनक्याप्ड खेलाडी भइसकेपछि आइपिएल खेल्ने उहाँ पहिलो खेलाडी हुनुहुुनेछ ।
साढे सात लाख म्याच फिस पाउने
आइपिएलमा आउँदो सिजनदेखि खेलाडीले हरेक खेलमा साढे सात लाख भारु म्याच फिस पाउने भएका छन् । भारतीय क्रिकेट कन्ट्रोल बोर्डका सचिव जय शाहले अब हरेक खेलाडीले आइपिएलको एक खेलको म्याच फिस साढे सात लाख भारु पाउने जानकारी दिनुभएको हो ।
आइपिएलका सबै लिग खेल खेल्ने खेलाडीले एक सिजनमा एक करोड पाँच लाख भारु फ्रेन्चाइजीसँगको सम्झौताबाहेकको रकम म्याच फिसबापत पाउने भएका हुन् । आइपिएलले म्याच फिसका लागि हरेक फ्रेन्चाइजीलाई एक सिजनमा १२ करोड ६० लाख भारु छुट्याएको सचिव शाहले जानकारी दिनुभयो । शाहले खेलाडीका लागि आइपिएलमा नयाँ युग सुरु भएको बताउनुभएको छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच