खोटाङ । खोटाङको बुइपामा जारी कोशी प्रदेशस्तरीय महिला फुटबल प्रतियोगितामा ओखलढुंगा र ताप्लेजुङ सेमिफाइनल प्रवेश गरेका छन् । दिक्तेल रूपाकोट मझुवागढी नगरपालिका-१४ बुइपास्थित यलम्बर रंगशालामा जारी प्रतियोगितामा ओखलढुंगाले इलामलाई १-० र ताप्लेजुङले खोटाङलाई ४-० गोलले पराजित गर्दै सेमिफाइनल प्रवेश गरेका हुन् ।
पहिलो दिन अर्थात् बिहीबार भएको खेलमा ओखलढुंगाले सोलुखुम्बुलाई १-० तथा ताप्लेजुङले धनकुटालाई १-० ले नै पछि पार्दै क्वाटरफाइनल पुगेका थिए । पहिलो दिनकै खेलमा इलामले उदयपुरलाई र खोटाङले सुनसरीलाई ट्राइब्रेकरमार्फत् पराजित गर्दै अघि बढेका हुन् ।
प्रतियोगिताको दोस्रो दिन शुक्रबार सम्पन्न समूह चरणको खेलमा मोरङले पाँचथरलाई १-० तथा तेह्रथुमले संखुवासभालाई १-० गोलले नै पछि पार्दै क्वाटरफाइनलमा प्रवेश गरेको छ । जिल्ला खेलकुद विकास समिति खोटाङको संयोजन तथा कोशी प्रदेश खेलकुद विकास बोर्डको आयोजनामा भएको प्रतियोगितामा कोशी प्रदेशका १४ वटै जिल्लाका खेलाडी सहभागी छन् ।
ADVERTISEMENT
कोशी प्रदेश सामाजिक विकास मन्त्रालय र प्रदेश खेलकुद विकास बोर्डको २० लाख रुपैयाँको सहयोगमा सञ्चालन भएको प्रतियोगिताको विजेताले दुई लाख र उपविजेताले एक लाख रुपैयाँ नगदसहित ट्रफी, मेडल र प्रमाणपत्र पाउनेछन् । प्रतियोगितामा विधागततर्फ बेष्ट गोलकिपर, बेष्ट डिफेण्डर, बेष्ट मिडफिल्डर, बेष्ट फरवार्ड, उदयीमान खेलाडी र उत्कृष्ट प्रशिक्षकलाई जनही तीन हजार रुपैयाँ तथा बेष्ट प्लेयर अफ द टुर्नामेन्ट र हाई स्कोररलाई जनही पाँच हजारसहित ट्रफी र प्रमाणपत्र प्रदान गरिने आयोजकले जनाएको छ ।
प्रत्येक खेलको म्यान अफ दि म्याचलाई जनही दुई हजार रुपैयाँसहित मेडल र प्रमाणपत्र दिइनेछ । प्रदेशस्तरीय महिला फुटबल प्रतियोगिता सम्पन्न गर्न ४२ लाख रुपैयाँ लागत लाग्ने अनुमान गरिएको जिल्ला खेलकुद विकास समिति खोटाङले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच