काठमाडौं । नेपाल क्रिकेट संघ (क्यान) को बोर्ड बैठकले स्पिनर सन्दीप लामिछानेलाई खेलाडी केन्द्रीय वर्गीकरण (सेन्ट्रल कन्ट्राक्ट) मा राख्ने निर्णय गरेको छ । काठमाडौंमा बसेको बोर्ड बैठकले सन्दीपलाई ‘ए’ ग्रेडमा राख्ने निर्णय गरेको क्यान अध्यक्ष चतुरबहादुर चन्दले जानकारी दिनुभयो ।
बलात्कारको मुद्दा लागेसँगै सन्दीप २०७९ माघदेखि क्यानको खेलाडी वर्गीकरणमा रहनुभएको थिएन । अदालतले उहाँलाई आरोपबाट सफाइ दिएपछि ग्रेडिङमा समावेश गरिएको हो । जिल्ला अदालतले गरेको फैसला उच्च अदालतले उल्टाउँदै उहाँलाई सफाइ दिएको थियो ।
क्यानले यसै वर्षदेखि ग्रेड ‘ए’ मा रहेका खेलाडीलाई मासिक एक लाख रुपैयाँ पारिश्रमिक निर्धारण गरेको छ ।
ADVERTISEMENT
पुरुषतर्फ ३० र महिलातर्फ १९ खेलाडी ग्रेडिङमा समावेश छन् । ग्रेड ‘ए’मा कप्तान रोहित पौडेल, सोमपाल कामी, करण केसी, कुशल भुर्तेल, आसिफ शेख र दीपेन्द्रसिंह ऐरी हुनुहुन्छ । पुरुषतर्फ ‘ए, बि, सि, डी’ र इमर्जिङ क्याटोगोरी छन् । ‘बी’ ग्रेडले ७० हजार, ‘सी’ ग्रेडले ५५ हजार, ‘डी’ ग्रेडले ३५ हजार र इमर्जिङ क्याटोगोरीले २५ हजार रुपैयाँ पाउँछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता