नयाँदिल्ली । भारतका अन्तर्राष्ट्रिय टेनिस खेलाडी माधविन कामत पक्राउ परेका छन् । उनलाई यौन उत्पीडनको आरोपमा भारतको साइबर क्राइम प्रहरीले पक्राउ गरेको समाचारमा जनाइएको छ । माधविनलाई अहमदाबादबाट पक्राउ गरिएको प्रहरीले जनाएको छ । २१ वर्षीया युवतीले आफूमाथि यौन उत्पीडन गरेको आरोप लगाएपछि उनी पक्राउ परेका हुन् ।
समाचारमा जनाइएअनुसार, माधविनले यौनकर्मी भएको उल्लेख गर्दै ती युवतीको तस्बिर सामाजिक सञ्जालमा पोष्ट गरेका थिए । माधविनले आफ्नो पोष्टमा ती युवतीको टेलिफोन नम्बर पनि राखेका थिए ।
ती युवतीको तस्बिर सामाजिक सञ्जालमा पोष्ट भएपछि धेरैले उनलाई टेलिफोन गरेका थिए । शहरका विभिन्न स्थानमा आफ्नो तस्बिरसहित पोष्टरसमेत टाँसिएको आरोप पनि ती युवतीले लगाएकी छन् ।
ADVERTISEMENT
ती युवती उजुरी लिएर प्रहरी समक्ष पुगेपछि यसको अनुसन्धान सुरु भएको थियो । अनुसन्धानका क्रममा प्रहरीले यो घटनामा टेनिस खेलाडी माधविनको संलग्नता रहेको पत्ता लगाएको थियो ।
त्यतिबेला माधविन अन्तर्राष्ट्रिय प्रतियोगिता खेल्न फ्रान्स पुगेका थिए । फ्रान्सबाट फर्किएलगत्तै उनलाई प्रहरीले पक्राउ गरेको हो । पक्राउ परेपछि माधविनले आफूलाई धरौटीमा रिहा गर्न अदालतसमक्ष निवेदन दिएका थिए । तर, अदालतले उनको निवेदन अस्वीकार गरेको छ । माधविन र ती युवतीबीच पहिलेदेखि नै चिनजान रहेको पनि प्रहरी अनुसन्धानबाट खुलेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता