द हेग । आइसीसी क्रिकेट विश्वकप लिग-२ सिरिजअन्तर्गत नेदरल्यान्ड्सले अमेरिकामाथि जित हासिल गरेको छ । अमेरिका, क्यानडा र घरेलु टोलीबीचको त्रिकोणात्मक सिरिजको तेस्रो खेलमा नेदरल्याण्ड्सले अमेरिकामाथि जित हात पारेको हो । नेदरल्यान्ड्सको स्पोर्टपार्क वेष्टवलेट, द हेगमा भएको खेलमा घरेलु टोलीले अमेरिकामाथि १९ रनको जित हात पारेको हो । नेदरल्याण्ड्सले दिएको २३८ रनको मध्यम लक्ष्य पछ्याएको अमेरिकाले ४९.५ ओभरमा अल आउट हुँदै २१८ रनमात्र बनाउन सक्यो ।
अमेरिकाका लागि मिलिण्ड कुमारले सर्वाधिक ६९ रन जोड्नुभयो । उहाँले ७९ बलमा ४ चौका र १ छक्का प्रहार गर्नुभयो । आरोन जोन्सले ७० बलमा ४७, ओपनर स्मिथ पटेलले ४६ बलमा ३८, शाल्डि भान साक्वयले ४९ बलमा २१, शयान जाहिंगरले २५ बलमा २० रन बनाउनुभयो । नेदरल्याण्ड्सका भिभियन किंग्माले ३, आर्यान दत्त, पल भान मेकरम र शरिज अहमदले समान २ तथा काइल क्लेनले १ विकेट लिनुभयो ।
ADVERTISEMENT
त्यसअघि टस हारेर ब्याटिङको निम्तो पाएको नेदरल्याण्ड्सले निर्धारित ५० ओभरमा ७ विकेट गुमाएर २३७ रन जोडेको थियो । नेदरल्याण्ड्सका लागि कप्तान स्कट एडवाडर्सले सर्वाधिक ६५ रन बनाउनुभयो । उहाँले ५५ बलमा ६ चौका प्रहार गर्नुभयो । विक्रमजित सिंहले ८३ बलमा ५९, म्याक्स ओडाउडले ६७ बलमा ४९, काइल क्लेनले १३ बलमा अविजित १८ तथा शरिज अहमदले ४१ बलमा १६ रन जोड्नुभयो ।
आठ टोली सहभागी लिग टु को अंक तालिकामा नेदरल्याण्ड्स आठ अंकका साथ तेस्रो स्थानमा उक्लिएको छ । पराजित अमेरिका दुई अंकका साथ छैटौं स्थानमा छ । स्कटल्याण्ड नौ अंकका साथ शीर्ष स्थानमा रहेको छ । अंक तालिकामा दुई अंकका साथ नेपाल सातौं स्थानमा छ । लिग टुको शीर्ष चार टोलीले सन् २०२७ हुने ओडिआई विश्वकप छनोटमा स्थान बनाउने छन् । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry