काठमाडौं । नेपाल स्रष्टा समाजले स्थापनाको १८औं दिवस विशेष कार्यक्रम गरी मनाएको छ । स्थापना दिवसमा समाजले नेपाली भाषा साहित्यमा समर्पित दुई व्यक्तित्वलाई सम्मानित गरेको छ । प्रज्ञा प्रतिष्ठानमा आयोजित कार्यक्रममा प्रमुख अतिथि अग्रज साहित्यकार डा.राजेन्द्र विमलले भाषासेवी तथा साहित्यकार आरडी प्रभास चटौतलाई २१ हजार १०१ नगद राशिसहित ‘सुभद्रा विश्वराज स्रष्टा सम्मान’ र कवि मनोज भण्डारीलाई १५ हजार एक नगद राशिसहित ‘प्रसिद्ध कँडेल युवा स्रष्टा सम्मान’ अर्पण गर्नुभएको थियो ।
प्रमुख अतिथि डा.विमलले नेपाली साहित्यलाई विश्वस्तरमा पुर्याउने नैतिक दायित्व नेपाली साहित्यकारहरूको नै भएको धारणा राख्नुभयो । उहाँले साहित्य, दर्शनको प्रसंग उठाउँदै मानिसको जीवनको अर्थ र त्यसको सार्थकताबारे चर्चा गनुएभएको थियो ।
साहित्यिक पत्रकार रोचक घिमिरेले स्रष्टा समाजको कार्य स्तुत्य रहेको बताउनुभयो भने समाजका संरक्षक पवन आलोकले २०६४ साल पुस १६ गतेको दिन स्मरण गर्दै स्रष्टा समाज युवावयमा प्रवेश गरेको उल्लेख गर्नुभयो ।
ADVERTISEMENT
समाजका अध्यक्ष श्रीओम श्रेष्ठ ‘रोदन’ले गतवर्ष समाजले ३१ वटा कार्यक्रम गर्न सफल भएको स्मरण गर्दै समाजका सम्पूर्ण सदस्यहरूको सहयोगमा यो सम्भव भएको धारणा व्यक्त गर्नुभयो । सम्मानित व्यक्तिमात्र सम्मान हुने नभएर विधा नै सम्मान हुने अनुभूति सबैलाई हुनेगरी आफूहरूले परम्परा बसाल्न खोजेको जिकिर गर्नुभयो ।
कार्यक्रममा सम्मानितहरू आरडी प्रभास चटौत र मनोज भण्डारीका साथै डा.शान्तिमाया गिरी, पुरस्कारका संस्थापकहरू विधान आचार्य, चेतनाथ कँडेललगायतले आ-आफ्ना भनाइ राख्नुभएको थियो । समाजका महासचिव देविका तिमल्सिनाले सञ्चालन गरेको उक्त कार्यक्रममा उपाध्यक्ष डा.सदानन्द कडेलले स्वागत मन्तव्य राख्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच