काठमाडौं । साहित्यकार नारदमणि पौडेललाई पत्नीशोक परेको छ । ओखलढुंगा बिगुटार स्थायी घर भएका पौडेल हाल काठमाडौंको थलीमा बस्दै आउनुभएको छ । उहाँकी पत्नी भुवनकुमारी पौडेल (सीता) को गत शुक्रबार आफ्नै निवासमा निधन भएको थियो । लामो समयदेखि दमको रोगको उपचार गराइरहनुभएकी भुवनका पति नारदमणि पौडेल राष्ट्रिय सहकारी बोर्डमा सञ्चार अधिकारीको रूपमा २६ वर्ष सेवा गरेर स्वेच्छिक अवकाश लिई हाल अध्यात्मचिन्तकका रूपमा रहनुभएको छ । उहाँका डेढ दर्जन जति पुस्तकहरू प्रकाशित छन् ।
कलाकारिता, रेडियो कार्यक्रम सञ्चालक, लेखक, गीतकारसमेत रहनुभएका पौडेलका मणि र धोको शीर्षकका गीतिएल्बमहरू समेत प्रकाशित छन् । तीसको दशकमा शिक्षाले पछि परेको र अनुदार समाजको बोलवाला भएको बिगुटारमा सामाजिक विद्रोह गरी भुवनकुमारीले नारदसँग प्रेम विवाह गर्नु भएको थियो । बाहुन परिवारबीचकै भए पनि यो प्रेम विवाह बिगुटारमा पहिलो भएकाले अत्यन्त आलोचनाको विषय भएको थियो । यसरी साहसी जोडीका रूपमा स्थापित नारदमणि पौडेलका मेरो यात्रा संस्मरण, केही कवि केही कविता (सहलेखन), नेपाल फोरम, नेपालमा साझा सहकारिता, सहकारी परिचय, मभित्र यसरी बोल्छ, नियात्राका नवीनतम् थुँगाहरू, आमाको यादमा, श्रद्धाञ्जलि शोककाव्य, कोमल शोककाव्य, गणेश काव्य, अमृतरस भजनसंग्रह, भागवत् भजनलगायत पुस्तक प्रकाशित छन् र केही प्रकाशनका क्रममा रहेका छन् ।
ADVERTISEMENT
६५ वर्षको उमेरमा दिवंगत हुनुभएकी भुवनकुमारीका पति नारद तथा छोराहरू रञ्जनमणि र राजनमणि (रोसु) र नातिनातिना, बुहारीहरू समेत हुनुहुन्छ । जेठा छोरा रञ्जनमणि पनि पत्रकार तथा लेखक हुनुहुन्छ । कान्छो छोरा राजनमणि दिव्यपुरी अनलाइन टिभीका सञ्चालक तथा अध्यात्म दर्शनका प्रस्तोता हुनुहुन्छ ।
यो खबर पढेर तपाईलाई कस्तो महसुस भयो ?
1
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry