काठमाडौं । मलेसियामा जारी एसिसी महिला यू-१९ एसिया कपमा नेपाल र भारतको खेल वर्षातका कारण रद्द भएको छ । मंगलबार भएको
खेल बीचैमा रोकिएसँगै नेपाल र भारतले एक-एक अंक बाँडेका छन् । अब ग्रुप ‘ए’मा नेपाल र भारतको तीन-तीन अंक हुँदा दुवै खेल हारेको पाकिस्तान अंकविहीन छ ।
पहिलो इनिङ सकिएर दोस्रो इनिङ सुरु भएलगत्तै अवरुद्ध भएको थियो । टस हारेर पहिले ब्याटिङ गरेको नेपालले ९५ रनको लक्ष्य पेश गरेको थियो । ९५ रनको लक्ष्य पछ्याएको भारतले ३.१ ओभरमा बिना विकेट क्षतिमा २८ रन बनाएपछि खेल परिणामविहीन अवस्थामा रोकिएको हो ।
यसअघि टस जितेर फिल्डिङ रोजेपछि ब्याटिङ गरेको नेपालले निर्धारित ओभरमा नौ विकेट गुमाएर ९५ रन बनाएको थियो । क्याप्टेन पूजा महतोले २५ र अनिशा कुमारी यादवले नटआउट २० रन बनाउनुभएको थियो । भारतका लागि परुनिका सिसोडियाले चार विकेट लिनुभएको थियो ।
ADVERTISEMENT
पाकिस्तान, भारत र नेपाल रहेको समूहमा नेपाल यसअघि नै सुपर चारमा पुगिसकेको छ । समूह ‘ए’बाट भने बंगलादेश र श्रीलंका सुपर फोरमा प्रवेश गरेका छन् । सुपर फोरमा बंगलादेशको दुई अंक रहने छ भने श्रीलंकाको शून्य अंक हुने छ ।
सुपर फोरको आफ्नो पहिलो खेलमा नेपालले बिहीबार श्रीलंकासँग खेल्ने छ । अर्को खेल शुक्रबार बंगलादेशसँग हुने छ । भारतले बिहीबार बंगलादेश र शुक्रबार श्रीलंकासँग प्रतिस्पर्धा गर्ने छ । सुपर फोरमा शीर्ष दुईमा रहने टोलीले आइतबार फाइनल खेल्ने छन् ।
टोलीमा पूजा महतोको कप्तानीमा १५ सदस्यीय खेलाडी छन् । यसमा उपकप्तानमा सोनी पाख्रिनसहित साना प्रवीण, ज्योत्स्निका मरासिनी, कुसुम गोदार, एलिशाकुमारी यादव, सावित्री धामी र कृष्मा गुरुङ हुनुहुन्छ । यस्तै, तिर्सना विश्वकर्मा, किरणकुमारी कुँवर, रिया शर्मा, रचना चौधरी, सिमाना केसी, स्नेहा महरा र अनु कडायतसमेत टोलीमा हुनुहुन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच