वासिङ्टन । दुई महिनापछि मैदान उत्रिनुभएका अर्जेन्टिनाका स्टार लिओनल मेसीले शानदार प्रदर्शन गर्नुभएको छ । जुलाईमा घाइते भएपछि मैदानबाहिर रहनुभएका मेसीले आइतबार बिहान फिलाडेल्फियाविरुद्ध शानदार प्रदर्शन गर्नुभएको हो । जुलाईपछि इन्टर मियामीका लागि पहिलो खेल खेल्नुभएका उहाँले दुई गोल गर्नुभयो । उहाँको दुई गोल प्रेरित मियामीले फिलाडेल्फियालाई ३-१ ले हरायो । खेलमा मेसीले एक असिस्ट उपलब्ध गराउनुभएको थियो । अर्काे गोल लुइस स्वारेजको नाममा रहृयो ।
खेलको दुई मिनेटमै युनियनका फरवार्ड मिकाएल उहरेले गोल गर्दै घरेलु दर्शकलाई स्तब्ध पार्नुभएको थियो । तर, २६औँ मिनेटमा मेसीले पहिलो गोल गर्दै खेललाई १-१ को बराबरीमा ल्याउनुभयो । सुआरेजको पासमा मेसीले गोल गर्नुभएको थियो । त्यसको चार मिनेटपछि मेसीले डिबक्सभित्र क्रसिङ पासमा अर्को गोल थप्नुभयो । लुइस सुआरेजले दोस्रो हाफको इन्जुरी समयमा मेसीको असिस्टमा गोल गर्दै मियामीलाई जित दिलाउनुभएको थियो । सुआरेजको यो सिजनको १७औँ गोल हो ।
ADVERTISEMENT
मेसीबिना मियामीले एमएलएस प्लेअफमा स्थान पक्का गरेको थियो । मेसीको उत्कृष्ट प्रदर्शनपछि मियामीका मिडफिल्डर जुलियन ग्रेसेलले भन्नुभयो, ‘उनको चोट निको भएको र उनी पहिलेजस्तै प्रभावकारी भएको देख्दा खुसी लागेको छ ।’
यता, २८ खेलबाट शीर्ष स्थानमा रहेको इन्टर मियामीले ६२ अंक जोडेको छ । ५२ अंकसहित एफसी सिन्सिनाटी दोस्रो स्थानमा छ । पराजित फिलाडेल्फिया ३० अंकसहित २२औँ स्थानमा रहेको छो । मेसीले कोपा अमेरिकाअन्तर्गत फाइनल खेलमा कोलम्बियाविरुद्ध घाइते भएपछि ६६औँ मिनेटमा मैदान छाड्नुभएको थियो । लौटारो मार्टिनेजले अतिरिक्त समयमा निर्णायक गोल गरेपछि अर्जेन्टिना लगातार दोस्रोपटक च्याम्पियन भएको थियो । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच