वासिङ्टन । कोपा अमेरिका २०२४ अन्तर्गत क्यानडालाई टाइब्रेकरमा हराउँदै उरुग्वेले तेस्रो स्थान हासिल गरेको छ । आइतबार निर्धारित ९० मिनेटको खेल २-२ को बराबरीमा टुंगिएपछि खेलको नतिजा टाइब्रेकरबाट लिइएको थियो । उरुग्वेले ४-३ को जित दर्ता गर्दै तेस्रो स्थान पक्का गरेको हो । उरुग्वे सेमिफाइनलमा कोलम्बियासँग रोकिँदा क्यानडा भने अर्जेन्टिनासँग पराजित भएको थियो ।
उरुग्वेका लागि रोड्रीगो बेन्टान्कुरले अग्रता दिलाउनुभएको थियो । उहाँले आठौँ मिनेटमा गोल गर्नुभएको थियो । २२औँ मिनेटमा क्यानडाका इस्माएल कोनेले गोल गर्दै खेल बराबरीमा ल्याउनुभयो । दोस्रो हाफको ८०औँ मिनेटमा क्यानडाले अग्रता लिएको थियो । जोनाथन डेविडले पेनाल्टी क्षेत्रभित्रबाट गोल गर्दै अप्रत्याशित जिततर्फ अग्रसर गराउनुभएको थियो । तर, इन्जुरी समयमा लुइस सुआरेजले गोल गर्दै क्यानडालाई निराश पार्नुभयो । त्यसपछि टाइब्रेकरमा क्यानडाको तेस्रो प्रहारमा कोने चुक्नुभयो । उहाँको प्रहार सर्जियो रोसेले बचाउनुभएको थियो । उरुग्वेका लागि फेडे भाल भर्डे, रोड्रीगो बेन्टान्कुर, जर्जियन डे आरासेटा र लुइस सुआरेजले गोल गर्नुभयो । क्यानडाका जोनाथन डेविड, मोइस बम्बिटोले गोल गर्दा कोने चुक्नुभएको थियो । चौथो प्रहरमा म्याथ्यु चोइनेरले गोल गरे पनि पाँचौँ प्रहारमा अल्फोन्सो डेभिस चुक्दा टोली हार बेहोर्न पुग्यो ।
ADVERTISEMENT
कोपाको फाइनलमा अर्जेन्टिना र कोलम्बियाको भिडन्त हुँदैछ । अमेरिकाको फ्लोरिडास्थित मायमी गार्डेन्समा रहेको हार्डरक स्टेडियममा नेपाली समयअनुसार सोमबार बिहान ५ः४५ बजे हुनेछ । ४८औँ संस्करणको कोपाको उपाधिका लागि एकै महादेशका यी दुई बलिया टिम आमनेसामने हुनेछन् । जारी कोपामा अर्जेन्टिना र कोलम्बिया दुवै अपराजित टिम रहेका छन् । सन् २०२१ ब्राजिलमा भएको कोपाको च्याम्पियन अर्जेन्टिना यसपालि लगातार दोस्रो संस्करण कोपा जित्ने संघारमा पुगेको छ । अर्जेन्टिनाले यसअघि सन् २०१५ र २०१६ लगातार दुई संस्करण कोपाको फाइनल खेले पनि दुवैपटक चिलीसँग हारेको थियो । यसपटक पनि अर्जेन्टिना लगातार फाइनल पुगेको छ ।
अर्जेन्टिनाले यसअघि १५ पटक कोपा जितिसकेको छ भने कोलम्बियाले एकपटकमात्रै जितेको छ । अर्कोतिर कोलम्बिया यसपटक त्यसै फाइनल पुगेको छैन । उनीहरूले पछिल्ला २८ खेलमा अपराजित रहँदै फाइनल यात्रा तय गरेका छन् भने पछिल्ला १३ वटा खेल जितेका छन् । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
Video News Post
Breaking News with Advertisements
Breaking news with related posts