बर्लिन । तीनपटकका च्याम्पियन स्पेन र इटाली युरोपियन च्याम्पियनसिप (युरो २०२४) को प्रि-क्वाटरफाइनलमा प्रवेश गरेका छन् । सोमबार राती भएको खेलमा स्पेनले अल्बानियालाई हराउँदा इटाली र क्रोएसियाले १-१ को बराबरी खेलेका हुन् ।
यी खेलसँगै अन्तिम १६ को समीकरण तय भएको थियो । समूह ‘बी’ मा स्पेन लगातार तीन खेलमा जित निकाल्न सफल भयो । दोस्रो स्थानको इटालीको चार अंक रहृयो ।
ADVERTISEMENT
दुई अंकको क्रोएसिया र एक अंकको अल्बानिया भने बाहिरिएका छन् । जर्मनीमा ४६ हजार समर्थकमाझ स्पेनले १३औँ मिनेटमा गोल गरेको थियो । डानी ओल्मोको पासमा युवा खेलाडी फेरान टोरेसले गोल गर्नुभएको थियो ।
यही अग्रतालाई जोगाउँदै स्पेन लगातार तीन जित निकाल्न सफल भयो । अर्को खेलमा इटालीले एक गोलले पछि परेको स्थितिमा बराबरी गर्न सफल भयो । रेडबुल एरिनामा ३८ हजार समर्थकमाझ कप्तान लुका मोड्रिकले अग्रता बनाउँदै अन्तिम १६ को सम्भावना जीवित राख्नुभएको थियो । तर, इन्जुरी समयमा इटालीले गोल गर्यो । इन्जुरी समयको दशौँ मिनेटमा माटिया जेकाग्नीले गोल गर्दै अन्तिम १६ पक्का गर्नुभयो । यसअघि पहिलो हाफ गोलरहित बराबरीमा सकिएको थियो । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशका अधिकांश जिल्लामा वर्षा, सतर्कता