काठमाडौं । नेपाल एपिएफ क्लबले ललितपुर मेयर्स वुमन्स टी-२० च्याम्पियनसिप २०२४ मा अपराजित रहँदै फाइनल खेल्ने भएको छ । बिहीबार एपिएफले सुदूरपश्चिम प्रदेशलाई तीन विकेटले हराउँदै समूह चरणमा चारै खेल जितेर फाइनलमा पुगेको हो ।
११२ रनको लक्ष्य पछ्याएको एपिएफले १९.४ ओभरमा सात विकेट गुमाउँदै लक्ष्य पूरा गरेको थियो । एपिएफको जितमा ममता चौधरी ३४ बलमा चार चौकासहित सर्वाधिक ३२ रनमा नट आउट रहनुभयो । सरिता मगर ३० बलमा तीन चौकासहित १९, रोमा थापा २३, राजमती ऐरी ११, सीता रानामगर पाँच र इन्दु बर्मा चार रनमा आउट हुनुभयो ।
सुदूरपश्चिमकी लक्ष्मी साउदले दुई, जानकी थापा, कविता जोशी, ऋतु कनौजिया, स्नेहा महरा र विन्दु रावलले एक-एक विकेट लिनुभयो ।
त्यसअघि त्रिवि क्रिकेट मैदान कीर्तिपुरमा टस हारेर पहिला ब्याटिङको निम्तो पाएको सुदूरपश्चिम प्रदेशले २० ओभरमा पाँच विकेट गुमाउँदै १११ रन बनाएको थियो ।
ADVERTISEMENT
कप्तान बिन्दु रावलले ५१ बलमा एक चौका र एक छक्कासहित सर्वाधिक ३६ रन बनाउनुभयो । रूवी पोद्दारले ३६ बलमा चार चौका हाल्नुभयो भने कविता जोशीले २८ बलमा दुई चौकासहित २९-२९ रन बनाउनुभयो । एपिएफकी रेखा रावल र इन्दु बर्माले एक–एक विकेट लिनुभयो ।
एपिएफ चार खेलमा आठ अंकका साथ शीर्षस्थानमा छ । सुदूरपश्चिम तीन खेलमा दुईमा जित र एकमा हारसहित चार अंकका साथ दोस्रो स्थानमा छ ।
सुदूरपश्चिमले आज (शुक्रबार) बागमतीसँग खेल्नेछ । उक्त खेलमा विजयी भएमा सुदूरपश्चिम फाइनलमा पुग्नेछ । सुदूरपश्चिम बागमतीसँग पराजित भएमा अन्य टोलीको नेट रनरेटमा भर पर्नुपर्ने हुन्छ ।
ललितपुर मेयर्स ११ तीन खेलमा एकमा जित र दुईमा हारसहित तेस्रो स्थानमा छ । बागमती तीन खेलमा एकमा जित र दुईमा हारसहित चौथो स्थानमा छ । कोशी तीन खेलमा पराजित हुँदै फाइनल दौडबाट बाहिरिसकेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
Breaking news with related posts