काठमाडौं – इन्डियन प्रिमियर लिग (आईपीएल) अन्तर्गत गएराति भएको खेलमा सनराइजर्स हैदरावादले रोयल च्यालेन्जर्स बैंग्लोर (आरसिबी)विरुद्ध कीर्तिमानी चुनौती दिएको थियो ।टस जितेर सुरुमा हैदरावादलाई ब्याटिङको निम्तो दिएको आरसिबीले २८८ रनको चुनौती पाएको हो । विशाल लक्ष्य पछ्याउनेक्रममा आरसिबीले ७ विकेटको क्षतिमा २६२ रन मात्र बनाउन सक्यो ।
चुनौतीपूर्ण लक्ष्य पछ्याउन आक्रामक ब्याटिङ भएको रोचक खेलमा आरसिबी २५ रनले पराजित भएको हो ।चुनौतीपूर्ण लक्ष्या पछ्याएको आरसिबीका लागि दिनेश कार्तिकले सर्वाधिक ८३ रन बनाए। ३५ बल खेल्दै उनले ५ चौका र ७ छक्का प्रहार गरेका हुन् । कप्तान फाफ डुप्लेसिस ६२ रन बनाउँदा विराट कोहली ४२ मा आउट भए । महिपाल लोमर १९ रनमा आउट हुँदा अनुज रावत २५ र विजयकुमार विशाक १ रनमा नटआउट रहे ।
आक्रामक ब्याटिङ गरेको आरसिबीलाई रोक्न हैदरावादका कप्तान प्याट कमिन्सले सर्वाधिक ३ विकेट हात पारे। उसका लागि मयंक मार्कण्डेले २ तथा टी नटराजनले १ विकेट लिए।सुरुमा ब्याटिङ गरेको हैदरावादले निर्धारित २० ओभरमा मात्र ३ विकेट गुमाएर २८७ रनको विशाल योगफल तयार पारेको थियो ।
हैदरावादका टेभिस हेडले ४१ बलमै सर्वाधिक १०२ रन बनाए। उनले ९ चौका र ८ छक्क हान्दै गर्दै रोचक शतक प्रहार गरेका हुन् ।
हैदरावादका लागि हेनरिक क्लासेन ६७ र अभिषेक शर्माले ३४ रन जोड्दा पहिलो विकेटका लागि अभिषेक र हेडले १०८ रनको साझेदारी गरेका थिए।
ADVERTISEMENT
एडेन मार्कराम ३२ र अब्दुल समद ३७ रनमा नटआउट रहे। आरसिबीका लकी फर्ग्युसनले २ विकेट लिँदा रिस टोपले १ विकेट हात पारे ।
जितसँगै चौथो स्थानमा रहेको हैदरावादको ६ खेलबाट ८ अंक बनाएको छ। दुई अंकसहित आरसिबी भने तालिकाको पुछारमा छ । सात खेल खेलको आरसिबीले एउटा मात्र जित निकालेको छ ।
आईपिएल अन्तर्गत मंगलबार राजस्थान रोयल र कोलकाता किंग्स राइडर्सको खेल हुँदैछ । यो खेला साँझ ७ः४५ बजे सुरु हुनेछ ।
यो पनि पढ्नुहोस्
इलाम-२ मा कमब्याक गर्ने कांग्रेसको रणनीतियो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
