अल–नासरको जित, रोनाल्डोको ह्याट्रिक

हिमालय टाइम्स कालिकोट, संवाददाता

Sunday March 31, 2024

हिमालय टाइम्स कालिकोट, संवाददाता

Sunday March 31, 2024

Read Time = 2 mins

सिफारिस

हामीलाई चाहिएको प्रजातन्त्र

डिजिटल संस्करण

खेलकुद

फुटबल

A A- A+

रियाद । साउदी प्रो लिगमा अल–नासरले सानदार जित दर्ता गरेको छ । क्रिस्टियानो रोनाल्डोको ह्याट्रिकको मद्दतले अल–नासरले १० खेलाडीमा सीमित अल ताईलाई ५–१ गोलले पराजित गरेको हो ।

खेलको २० औँ मिनेटमा ओटाभिडोले गोल गर्दै अल–नासरलाई अग्रता दिलाएका थिए । तर दुई मिनेटपछि नै अल ताईका लागि भर्जिल मिसिडजानले बराबरी गोल फर्काए ।

३६ औँ मिनेटमा उनले दोस्रो पहेँलो कार्ड खाँदै मैदान छाड्न परेपछि अल–ताई १० खेलाडीमा सीमित बन्यो । यसको फाइदा उठाउँदै अब्दुलरहमान घारिबले पहिलो हाफको इन्जुरी समयमा पुनः अल–नासरलाई अग्रता दिलाए ।

दोस्रो हाफ भने रोनाल्डोले ह्याट्रिक नै गरे । ६४ औँ मिनेटमा पहिलो गोल गरेका उनले ३ मिनेटपछि अर्को गोल थपे । ८७ औँ मिनेटमा उनले आफ्नो ह्याट्रिक पूरा गरे । यो सिजन ३९ वर्षीय पोर्चुगिज खेलाडीको दोस्रो ह्याट्रिक हो । समग्र करियरमा भने उनको यो ६४ औँ ह्याट्रिक थियो ।

जितका बावजुद टोली लिगमा दोस्रो स्थानमा सीमित रहेको छ । अल हिलालभन्दा टोली १२ अंकले पछि रहेको छ ।