बर्दघाट । पश्चिम नवलपरासीको बर्दघाट नगर स्तरीय अन्तर विद्यालय चौथो राष्ट्रपति रनिङ्ग शिल्ड प्रतियोगितामा शनिबार सम्पन्न भएको छ । माघ १७ गतेदेखि सञ्चालीत प्रतियोगितामा १३ स्वर्ण ,५ रजत र ३ कास्य गरी २१ पदक लिएर न्यू लाईफ माध्यामिक विद्यालय प्रथम हुन सफल भएको छ ।
त्यसैगरी ८ स्वर्ण , ४ रजत र ७ कास्य गरी १९ पदक लिएर गंगा मावि गंगावस्तीले दोस्रो स्थान प्राप्त गर्न सफल भएको छ भने ५ स्वर्ण , ८ रजत र ४ कास्य गरी १७ पदक लिएर दिब्य ज्योती मावि, चिसापानीले तृतीय स्थान हासिल गरेको छ ।
बर्दघाट नगरका संस्थागत र सामुदायिक गरी २४ विद्यालयहरुको सहभागिता रहेको उक्त प्रतियोगितामा १ हजार १ सय बढी विद्यार्थीह सहभागि भएको प्रतियोगिताका मेन रेफ्रि ईन्द्र देवलाल श्रीवास्तवले बताउनु भयो ।
बर्दघाट नगरपालिकाको आयोजना र न्यू लाईफ माबिको सञ्चालनमा भएको चौथो राष्ट्रपति रनिङ्ग शिल्ड प्रतियोगितामा छात्र र छात्राहरुको भलिबल, कबड्डी ,दौड, तेक्वान्दो,उसु, हाईजम्प, लङजम्प लगायतका खेल सञ्चालन गरिएको थियो ।
बर्दघाट नगरपालिकामा २१ वटा संस्थागत र ३७ वटा सामुदायिक विद्यालयहरु गरी ५८ वटा विद्यालय रहेका छन् ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता