काठमाडौं । वरिष्ठ कवि, गीतकार, गजलकार तथा गायक शम्भुकुमार मिलन र उहाँकी जीवनसंगिनी निर्मला रेग्मीको नाममा स्थापित शम्भु-निर्मला कला-साहित्य समाजले यस वर्षदेखि नेपाली भाषा, साहित्य, इतिहास, दर्शनशास्त्र, समाजशास्त्र, गीतसंगीत र कलाकारिताका क्षेत्रमा अति विशिष्ट योगदान दिने एकजना दीर्घसाधकलाई ‘शम्भु-निर्मला विशिष्ट साधक सम्मान’ प्रदान गर्ने निर्णय गरेको छ ।
उक्त ‘शम्भु-निर्मला विशिष्ट साधक सम्मान-२०८०’बाट पहिलोपटक वरिष्ठ पत्रकार, लेखक तथा इतिहासविद् भैरव रिसाललाई सम्मानित तथा पुरस्कृत गर्न लागिएको जानकारी समाजबाट प्रकाशित विज्ञप्तिमार्फत प्रदान गरिएको छ ।विसं १९८५ साउन २९ गते भक्तपुरको ताथलीमा जन्मिएर संस्कृतमा आचार्य गरी पत्रकारिता, साहित्य लेखन, समाजसेवा र नेपालको आधिकारिक इतिहासको खोजी कार्यमा सक्रिय रिसालका ‘साधुलाई शूली’ (जेलडायरी), ‘लोग्नेस्वास्नी’, ‘केही मित्रका चिठी’, ‘सुशीला भैरव’ (सहलेखन), ‘छानिएका रचना’, ‘उहिलेको नेपाल’लगायत निबन्ध, संस्मरण तथा इतिहाससँग सम्बन्धित विभिन्न कृति प्रकाशित छन् । वरिष्ठ पत्रकारसमेत रहनुभएका रिसालले विभिन्न पत्रपत्रिका, रेडियो कार्यक्रम, टेलिभिजन कार्यक्रम आदिका माध्यमबाट नेपाली समाजलाई सही सूचना दिएर सचेतताको सन्देश दिँदै आउनुभएको छ । विभिन्न लेख तथा अन्तर्वार्तामार्फत नेपालको आधिकारिक सिमाना तथा ऐतिहासिक तथ्यहरूका बारेमा स्पष्ट जानकारी दिँदै आउनुभएका ९६ वर्षीय रिसाल अहिले पनि नेपाल र नेपालीको भलाइका लागि निरन्तर समर्पित हुनुहुन्छ ।
ADVERTISEMENT
रिसालले उल्लिखित विविध क्षेत्रमा प्रदान गर्नुभएको अतुलनीय योगदानको मूल्यांकन गर्दैं २१ हजार नगद रुपैयाँसहित ताम्रपत्रसहितको उक्त सम्मान तथा पुरस्कार प्रदान गर्न लागिएको बताइएको छ । सो सम्मान तथा पुरस्कार कीर्तिशेष मिलनको तेस्रो स्मृतिदिवसका अवसरमा २०८० मंसिर ३० गते शनिबार, नेपाल प्रज्ञा-प्रतिष्ठान (पारिजात कक्ष), कमलादी, काठमाडौंमा आयोजना हुने स्मृतिबिम्बमा शम्भुकुमार मिलन स्मृतिग्रन्थ विमोचन तथा सम्मान अर्पण समारोहमा प्रदान गरिने समाजका अध्यक्ष प्राडा.देवी नेपालले विज्ञप्तिमार्फत जानकारी दिनुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा