काठमाडौं । नेपालकी अल्ट्रा धाविका रशिला तामाङ इण्डोनेसियामा भएको एसिया ट्रेल मास्टर (एटिम) २०२३ को च्याम्पियन बन्नुभएको छ । नेपालकी रशिला महिला ७७ किलोमिटर सेन्ट्रल जाभा इण्डोनेसिया सिक्सोरोगो लाउ अल्ट्रा दौडमा च्याम्पियन बन्नुभएको हो । उहाँले निर्धारित ७७ किमी दूरी १२ घण्टा २५ मिनेट ५२ सेकेण्डमा पूरा गर्नुभयो ।
च्याम्पियन बन्ने क्रममा रशिलाले तीन हजार २५० मिटर अग्लो माउण्ट लाउबाट भान्जालाई पछि पार्नुभयो । त्यसपछि त्यही गति कायम राख्नुभएकी उहाँले झण्डै सात मिनेटले भान्जालाई पछि पार्दै उपाधि जित्न सफल हुनुभयो । सन् २०१५ देखि सुरु भएको यो एसिया ट्रेल मास्टर (एटिम) जित्ने उहाँ पहिलो नेपाली धाविका बन्नुभएको छ ।
उपाधि जितेपछि रशिलाले लामो समयको मिहिनेतले फल दिएको प्रतिक्रिया दिनुभयो । उहाँले यस उपाधिका लागि आफूले धेरै मिहिनेत गरेको बताउँदै उपाधि सम्पूर्ण नेपालीहरूलाई समर्पित गर्नुभयो । आगामी दिनमा थप ठूला प्रतियोगितामा सहभागिताका लागि प्रोत्साहन मिलेको उहाँको भनाइ थियो ।
सिंगापुर-बेल्जियमकी भान्जा कनोप्स दोस्रो हुनुभयो । उहाँले निर्धारित दूरी १२ घण्टा ३२ मिनेट १६ सेकेण्डमा पूरा गर्नुभयो । गत वर्ष माउण्ट एपोमा तेस्रो हुनुभएकी भान्जा कनोप्सको यो उत्कृष्ट नतिजा हो ।
ADVERTISEMENT
फिलिपिन्सकी एन्जेली काबालोले निर्धारित दूरी १४ घण्टा ३ मिनेट ३७ सेकेण्डमा पूरा गर्दै तेस्रो स्थान हासिल गर्नुभयो इण्डोनेसियाकी सिन्डी प्याट्रिसिया चौथो तथा इण्डोनेसियाकै सिटी नुराइनी पाँचौँ हुनुभयो ।
पछिल्लो समय रशिलाले अन्तर्राष्ट्रियस्तरको अल्ट्रा रेसमा नियमितरूपमा सहभागिता जनाउँदै च्याम्पियनसमेत बनिरहनुभएको छ । उहाँ गत महिना मलेसियामा आयोजना भएको दि नर्थ फेस मलेसिया माउण्टेन ट्रेल फेस्टिबल २०२३ मा दोस्रो हुनुभएको छ ।
स्विट्जरल्याण्डमा भएको युटिएमआरलगायतमा पहिलो हुनुभएकी रशिलाले चीनमा भएको जिओजी माउण्टेन क्रसिङ कम्पिटिसन, नेपालमा युनिभर्सिटी च्याम्पियनसिप, गोदावरी रनिङ फेस्टिभल र हिमालयन आउटडोर र ४२ किमीको एभरेष्ट म्याराथनलगायतमा सहभागिता जनाइसक्नुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच