पाँचथर । प्रथम किराँत गोल्डकपको खेलतालिका सार्वजनिक भएको छ । पाँचथर फुटबल क्लबको आयोजनामा मंसिर १६ गते सुरु हुने प्रतियोगिताको सामाजिक सञ्जालमार्फत् आइतबार खेलतालिका सार्वजनिक गरिएको हो । फिदिम माविको निर्माणाधीन खेल मैदानमा हुने प्रतियोगिताको उद्घाटन खेलमा आयोजक पाँचथर फुटबल क्लब र मितेरी फुटबल क्लब तेह्रथुमबीच प्रतिस्पर्धा हुनेछ ।
‘ए’ डिभिजन क्लब हिमालय शेर्पासहित आठ टोलीले प्रतिस्पर्धा गर्ने प्रतियोगिताको विजेताले ट्रफीसहित चार लाख चार हजार ४४४ रुपैयाँ प्राप्त गर्नेछ । मंसिर १७ गते रेडहर्स फुटबल क्लब इलाम र बिर्तामोड युनाइटेट क्लब झापाबीच प्रतिस्पर्धा हुनेछ ।
मंसिर १८ गते डिएफसी मोरङले युनाइटेड फुटबल क्लब दार्जिलिङ भारतसँग खेल्नेछ । १९ गते कर्णसिंह सोनाम स्मृति क्लब ताप्लेजुङले ‘ए’ डिभिजन क्लब हिमालय शेर्पाको सामना गर्नेछ ।
ADVERTISEMENT
यस्तै, मंसिर २० गते पाँचथर र मितेरीबीचको विजेता तथा डिएफसी मोरङ र युनाइटेडबीचको विजेताबीच पहिलो सेमिफाइनल हुनेछ ।
अन्तिम सेमिफाइनल २१ गते रेडहर्स र बिर्तामोडबीचको विजेता तथा कर्णसिंह र हिमालय शेर्पाबीचको विजेताबीच हुनेछ । मंसिर २३ गते गोल्डकपको फाइनल हुने पाँचथर फुटबल क्लबका अध्यक्ष अनुराग मगरले जानकारी गराउनुभयो ।
गोल्डकपको उपविजेताले दुई लाख दुई हजार २२२ रुपैयाँ पुरस्कार पाउनेछ । सर्वोत्कृष्ट खेलाडीले १० हजार र म्यान अफ दि सिरिजले २५ हजार पुरस्कार पाउनेछन् । प्रत्येक खेलको म्यान अफ द म्याचले पाँच हजार रुपैयाँ पाउनेछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा