काठमाडौं । १३औँ दक्षिण एसियाली खेलकुद (साग) का पदक विजेता तेक्वान्दो खेलाडी जितबहादुर बोटले दक्षिण कोरियामा दोहोरो स्वर्ण पदक जित्नुभएको छ । १३औँ सागका दोहोरो कांस्य पदक विजेता बोटले कोरियामा आठौँ डेजोन कप इन्टरनेसनल खुला तेक्वान्दो च्याम्पियनसिप र गङ्वन चुनचुवान वल्र्ड तेक्वान्दो कल्चर फेस्टिभलमा स्वर्ण पदक जित्नुभएको छ ।
गत अगष्ट ११ देखि १६ तारिखसम्म आयोजना भएको आठौँ डेजोन कप इन्टरनेसनलमा जितबहादुरले ३० वर्षमुनिको एकल पुम्सेमा प्रतिस्पर्धा गर्नुभएको थियो ।
यसैगरी दक्षिण कोरियामै अगष्ट १८ देखि २० तारिखसम्म आयोजना भएको गङ्वन चुनचुवान वल्र्ड तेक्वान्दो कल्चर फेस्टिभलमा १३औँ सागकी स्वर्ण विजेता पार्वती गुरुङसँग मिलेर ३० वर्षमुनिको पेयर पुम्सेमा जितबहादुरले स्वर्ण पदक जित्नुभएको हो । १३औँ सागमा जितबहादुर बोटले पेयर पुम्से र टिम पुम्सेमा कांस्य पदक जित्नुभएको थियो ।
यसैगरी पार्वती गुरुङले एकल पुम्सेमा स्वर्ण र पेयर पुम्सेमा कांस्य पदक जित्नुभएको थियो । पेयर पुम्सेमा जितबहादुर र पार्वतीले नै प्रतिस्पर्धा गर्नुभएको थियो ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता