काठमाडौं । नेपालका थप तीन फुटबल खेलाडी अष्ट्रेलिया पलायन भएका छन् । राष्ट्रिय टोलीका दुई सदस्यसहित तीन खेलाडी अष्ट्रेलिया प्रस्थान गरेका हुन् । राष्ट्रिय टोली तथा मच्छिन्द्र क्लबका मिडफिल्डर पुजन उपरकोटी र संकटा क्लबका डिफेन्डर निशान खड्का तथा राष्ट्रिय टोलीबाट खेलिसकेका नेपाल पुलिस क्लबका विगर रवि शकर पासवान अष्ट्रेलिया जानुभएको हो ।
यसअघि सोमबार सातदोबाटो युवा क्लबका फरवार्ड दीपकराज सिंह ठकुरी अष्ट्रेलियाका जानुभएको थियो । पछिल्लो एक वर्षमा झण्डै ५० नेपाली व्यासायिक खेलाडी विदेश पलायन हुनुभएको छ । पुजन र निशान अष्ट्रेलियामा रहेको नेपालीहरूको क्लब नेपाल युनाइटेड र रविन एफसी फेवाबाट फुटबल खेल्नेछन् ।
पुजनले राष्ट्रिय टोलीबाट २२ खेल खेलेका छन् । सन् २०२० मा बंगलादेशविरुद्ध खेल्दै पुजनले राष्ट्रिय टोलीबाट डेब्यू गर्नुभएको थियो । सन् २०२१ मा बंगलादेशविरुद्ध खेल्दै निशानले राष्ट्रिय टोलीबाट डेब्यू गर्नुभएको थियो । उहाँले राष्ट्रिय टोलीबाट दुई खेल खेलेका छन् ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता