काठमाडौं । कागेश्वरी मनोहरा नगरपालिका-९ स्थित सिर्जनशील बाल सेवा परिवारमा आश्रित जुडो खेलाडीका साथै अन्य आश्रितलाई शनिबार खाद्यान्न र विद्यालय पोशाक सहयोगस्वरूप प्रदान गरिएको छ । जुडो विश्व भ्रमण दलका सदस्य फ्रान्सका लाउरेन्ट डि अलोभिराले उपलब्ध गराएको सहयोग आश्रितलाई हस्तान्तरण गरिएको हो । सहयोगका लागि अस्ट्रेलियाको मेल्बर्नमा बस्दै आएका जुडो खेलाडी मोहन बमले पहल गर्नुभयो । मोहनकै पहलमा विगत तीन वर्षदेखि लाउरेन्टले सिर्जनशीलका आश्रितलाई सहयोग गर्दै आउनुभएको छ ।
सामाजिक तथा बालबालिकाको क्षेत्रमा कार्य गर्दै आएका संस्था किवानिज क्लब अफ एभरेष्ट, नेपाल, किवानिज क्लब अफ लालीगुराँस र किवानिज क्लब अफ सिन्धुपाल्चोकले संयुक्तरूपमा आयोजना गरेको कार्यक्रममा किवानिज नेपालका डिस्ट्रिक्ट गभर्नर लक्ष्मण लम्साल, नेपाल जुडो संघका अध्यक्ष दीपकहर्ष बज्राचार्य, जुडोका मुख्य प्रशिक्षक वीरेन्द्र रञ्जितलगायले सिर्जनशीलकी अध्यक्ष उमादेवी बस्नेतलाई सामग्री हस्तान्तरण गर्नुभयो ।
सोही अवसरमा सिर्जनशीलमा निःशुल्क जुडो प्रशिक्षण गराइरहेका जुडो प्रशिक्षक उत्तमप्रताप राणालाई प्रोत्साहनस्वरूप ६० हजार तथा आश्रितको विद्यालय पोशाकका लागि करिब ६४ हजार रुपैयाँ प्रदान गरिएको थियो ।
कार्यक्रममा अध्यक्ष बस्नेतले सहयोगका लागि लाउरेन्टलाई धन्यवाद दिँदै पहल गरिदिएकोमा बमप्रति आभार प्रकट गर्नुभयो । बमले विगतमा पनि व्यक्तिगत तथा अन्यसँग सहयोग जुटाएर नेपाली जुडो र खेलाडीलाई सहयोग गर्दै आउनुभएको छ । सिर्जनशीलमा करिब २० जना अनाथ आश्रित छन् । तीमध्ये १५ जना जुडो खेल्छन् ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा