गैँडाको खागसहित तीनजना पक्राउ

हिमालय टाइम्स कालिकोट, संवाददाता

Wednesday May 17, 2023

हिमालय टाइम्स कालिकोट, संवाददाता

Wednesday May 17, 2023

Read Time = 1 min

डिजिटल संस्करण

अपराध/सुरक्षा

A A- A+

ललितपुर । ललितपुर महानगरपालिका-४ स्टिलटावर चोक नजिकबाट दुई सय ९७ मिलिग्राम तौल भएको गैँडाको खाग (ओखेटोपहार)सहित तीन जनालाई प्रहरीले पक्राउ गरेको छ ।

पक्राउपर्नेमा चितवनको राप्ती नगरपालिका-५ भवानीपुर घर भई ललितपुर एकान्तकुना बस्ने २८ वर्षीय रोशन घिमिरे, २४ वर्षीय युवराज घिमिरे र धादिङको बेनिघाट रोराङ गाउँपालिका-२ घर भई काठमाडौँ नयाँ बजार बस्ने २८ वर्षीय वीरेन्द्र तामाङ रहेका छन् ।

उक्त चोक नजिक गैँडाको खाग खरिदबिक्री गर्दै गरेको भन्ने विशेष सूचनाका आधारमा खटिएको प्रहरी टोलीले उनीहरुलाई उक्त खागसहित फेला पारी पक्राउ गरेको प्रहरी प्रधान कार्यालय, प्रहरी महानिरीक्षकको सचिवालय, केन्द्रीय प्रहरी समाचार कक्षले जनाएको छ ।

पक्राउ परेकालाई थप अनुसन्धान तथा कारबाहीका लागि डिभिजन वन कार्यालय गोदावरी ललितपुर पठाइएको प्रहरीले जनाएको छ । रासस

प्रहरी

पक्राउ

ललितपुर

यो खबर पढेर तपाईलाई कस्तो महसुस भयो ?