काठमाडौं । शहीद स्मारक ‘ए डिभिजन लिगमा आज तीन खेल हुँदैछ । आज दिउँसो २ बजे दशरथ रंगशालामा सुरु हुने खेलमा साविक विजेता मच्छिन्द्रले संकटासँगमा प्रतिस्पर्धा गर्नेछ ।
रेलिगेसन जोनभन्दा एक स्थानमाथि रहेको मच्छिन्द्रले जारी सिजनमा एकमात्र जित हात पारेको छ । भुटानी स्टार चेन्चो ग्यालेन्सेनलाई अनुबन्ध गरेसँगै यो टिमले लिगमा पुनरागमन गर्ने अपेक्षा गरिएको छ । संकटा सातौँ स्थानमा छ ।
अघिल्लो सिजनमा यी दुईबीच प्रतिस्पर्धा हुँदा मच्छिन्द्र ४-१ गोलले विजयी भएको थियो । त्यस्तै सोही समयमा अखिल नेपाल फुटबल संघ एन्फा कम्पलेक्स, सातदोबाटोमा हिमालयन शेर्पा र रेलिगेसन जोनमा रहेको न्यु रोड टिम एनआरटीबीच प्रतिस्पर्धा हुँदैछ ।
त्यस्तै साढे पाँच बजे सातदोबाटो र साविक उपविजेता त्रिभुवन आर्मीबीच प्रतिस्पर्धा हुँदैछ । सातदोबाटोले आज आर्मीलाई हराए शीर्ष स्थानमा उक्लनेछ ।
Like
Love
Happy
Surprised
Sad
Excited
Angry
Breaking news with related posts