काठमाडौं । नेपाल र भारतको महिला राष्ट्रिय फुटबल टोलीबीच भएको अन्तर्राष्ट्रिय मैत्रीपूर्ण खेल बराबरीमा टुंगिएको छ । शनिबार भएको दोस्रो खेल गोलरहित बराबरीमा टुंगिएको हो । यसअघि बुधबार भएको पहिलो मैत्रीपूर्ण खेल दुई-दुई को बराबरीमा टुंगिएको थियो ।
भारतको चेन्नाईस्थित जवाहरलाल नेहरू स्टेडियमा शनिबार भएको खेलमा दुवै टोलीले पटक-पटक पाएको मौकालाई सदुपयोग गर्न सकेनन् । पहिलो मैत्रीपूर्ण खेलमा नेपालका लागि दुवै गोल सावित्रा भण्डारीले गर्नुभएको थियो ।
नेपाल र भारत दुवैले महिला ओलम्पिक छनोटको पहिलो राउण्डको खेलको तयारीस्वरूप मैत्रीपूर्ण खेल खेलेका हुन् । छनोटको पहिलो राउण्डमा नेपाल समूह ‘सी’ मा रहेको छ । नेपाल रहेको समूहमा भियतनाम, प्यालेस्टाइन र अफगानिस्तान रहेका छन् । भारत रहेको समूह ‘जी’ मा तुर्कमिनिस्तान र किर्गिस्तान छन् । ओलम्पिक छनोट अप्रिलमा हुँदैछ ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता