रोनाल्डोको टोली अल नासर बाहिरियो

Saturday January 28, 2023

Read Time = 1 min

प्रिन्ट संस्करण

खेलकुद

A A- A+

साउदी । क्रिस्टियानो रोनाल्डोको कप्तानीमा रहेको अल नासर टोली साउदी सुपर कपबाट बाहिरिएको छ । सेमिफाइनलमा अल इतिहादसँग ३-१ ले पराजित हुँदै अल नासर बाहिरिएको हो । योसँगै साउदीमा उपाधि जित्ने रोनाल्डोको लक्ष्य पनि पूरा हुन सकेन ।

विजयी टोलीका लागि रोमारिन्हो, हम्दाल्लाह र मोहमद अलशान्कितिले गोल गर्नुभयो । अल नासरका लागि एन्डरसन टालिस्काले एक गोल फर्काउनुभयो । १५औं मिनेटमा रोमारिन्हो र ४३औं मिनेटमा हम्दाल्लाहले गोल गर्दै इतिहादलाई पहिलो हाफमा २-० ले अघि बढाउनुभएको थियो । ६७औं मिनेटमा टालिस्काले एक गोल फर्काउनुभयो । तर इन्ज्युरी समयमा अलशान्कितिले इतिहादको जित सुनिश्चित गर्नुभयो ।