काठमाडौं । नेपाल क्रिकेट संघ (क्यान) का अध्यक्ष चतुरबहादुर चन्दले नेपाल टी–२० लिगमा आफूहरूबाट त्रुटि भएको स्वीकार गर्नुभएको छ।
बिहीबार पत्रकार सम्मेलन गरी अध्यक्ष चन्दले सम्झौताअनुसार काम गर्न सेभेन थ्री स्पोर्ट्सलाई दबाब नदिनु कमजोरी भएको बताउनु भयो ।
सेभेन थ्री स्पोर्ट्ससँग सम्झौता गर्दा त्रुटि भएको स्वीकार गर्दै उहाँले आफूहरूको नियत भने गलत नभएको बताउनु भयो । उहाँले भन्नुभयो, 'श्रम स्वीकृति ढिला भयो । त्यसका कारण एकपछि अर्को विवाद आयो । यसमा क्यानको त्रुटि रह्यो ।’
उहाँले नेपाली क्रिकेटमा ग्रहण लागेको टिप्पणी समेत गर्नुभयो । त्यसलाई सुधार्न सबैको सहयोग आवश्यक रहेको चन्दको भनाइ छ । साथै उहाँले स्पट फिक्सिङमा क्यानका कुनै पनि पदाधिकारीको संलग्न भए आफूहरु कारबाही भोग्न तयार रहेको बताउनु भयो ।
त्रिवि क्रिकेट मैदान, कीर्तिपुरमा टी–२० लिगमा भएको प्रतियोगितामा स्पट फिक्सिङ भएको नेपाल प्रहरीको अनुसन्धानले देखाएको छ ।
स्पट फिक्सिङको आरोपमा नेपाली क्रिकेटर आदिल आलम र पूर्व क्रिकेटर मोहबुब आलम पक्राउ परेका छन् । उनीहरुसहित १० जनाविरुद्ध मुद्दा चलाउने केन्द्रीय अनुसन्धान ब्यूरो (सीआईबी) को तयारी छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच