लण्डन । इंग्ल्याण्डले पाकिस्तानविरुद्धको टेस्ट सिरिज एक खेलअगावै जितेको छ । तीन खेलको टेस्ट सिरिजमा इंग्ल्याण्डले दोस्रो खेल २६ रनले जितेसँगै सिरिज २-० ले जितेको हो । इंग्ल्याण्डले दिएको ३५५ रनको लक्ष्य पछ्याएको पाकिस्तानले अलआउट हुनुपूर्व ३२८ रनमात्र बनाएको थियो । पाकिस्तानका लागि साउद शकिलले ९४ रनको अर्धशतकीय इनिङ खेल्नुभयोे । उहाँले आठ चौका प्रहार गर्नुभयो । इमाम उल हकले १०४ बलमा ६० रनको अर्धशतकीय इनिङ खेल्नुभयो । मोहम्मद नवाज र अब्दुल्लाह शाफिक्युले समान ४५-४५ रन बनाउनुभयो ।
मोहम्मद रिजवानले ३० तथा आगा सलमान २० रनमा अविजित रहनुभयो । पाहुना टोलीका लागि मार्क उडले चार तथा ओली रोविन्सन र जेम्स एन्डरसनले समान दुई-दुई विकेट लिनुभयो । ज्याक लिज र जोय रुटले समान एक-एक विकेट लिनुभयो ।
टस जितेर पाहुना टोलीले पहिले ब्याटिङ गरेकोमा २८१ रनमा अलआउट भयो । पाहुना टोलीका लागि बेन डुकेट र ओली पोपले अर्धशतक प्रहार गर्नुभएको थियो । डुकेटले ४९ बलमा ६३ तथा पोपले ६१ बलमा ६० रन बनाउनुभएको थियो । मार्क उडले अविजित ३६ तथा विल ज्याक्सले ३१ रन बनाउनुभएको थियो । घरेलु टोलीका लागि अबरार अहमदले सात तथा जायद मोहमदले तीन विकेट लिनुभएको थियो ।
पहिलो पारीमा घरेलु टोलीले २०२ रनमात्र बनाउन सकेको थियो । पाकिस्तानका लागि कप्तान बाबर अजाम र साउद सकिलले अर्धशतकीय इनिङ खेल्नुभएको थियो । कप्तान बाबरले ७५ तथा सकिलले ६३ रन बनाउनुभएको थियो । फहिम असरफ २२ तथा अब्दुल शफिक्यु १४ रनमा आउट हुनुभयो । इंग्ल्याण्डका लागि ज्याक लिचले चार तथा मार्क उड र जोय रुटले समान दुई-दुई विकेट लिनुभयो । एजेन्सी ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा