दोहा । स्टार फरवार्ड साडियो माने घाइते भएपछि संकटमा देखिएको सेनेगलले फिफा विश्वकप कतार २०२२ अन्तर्गतको पहिलो खेलमा नेदरल्याण्ड्ससँग हार बेहोरेको छ । अलथुम रंगशालामा भएको खेलमा नेदरल्याण्ड्सले २-० को जित दर्ता ग¥यो ।
नेदरल्याण्ड्सको जितमा कोडी गाक्पो र डेभि कलासेनले १-१ गोल गर्नुभयो । प्रतिस्पर्धात्मक बनेको खेलमा डच टोलीले दुवै गोल खेलको अन्त्यमा मात्रै गर्न सक्यो । गाक्पोले ८४औँ मिनेटमा हेडरमार्फत् गोल गर्दै अग्रता दिलाउनुभयो ।
यस्तै, इन्जुरी समयको आठौँ मिनेटमा डेभि क्लासेनले गोल गर्दै नेदरल्याण्ड्सको जित निश्चित पार्नुभयो । खेलअघि नै माने घाइते हुँदा उहाँले विश्वकप गुमाइसक्नुभएको छ । यस्तै, खेलको ७३ औँ मिनेटमा चेखु कोउयाटे घाइते भएर निस्केपछि सेनेगल समस्यामा परेको थियो ।
यस जितसँगै नेदरल्याण्ड्सको तीन अंक भएको छ । समूहको अंक तालिकामा डच टोली इक्वेडरसँग गोल र अंक बराबरीमा छ । इक्वेडरले उद्घाटन खेलमा कतारलाई २–० ले हराएको थियो । एजेन्सी ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा