काठमाडौं । इंग्लिस प्रिमियर लिग फुटबलमा म्यानचेस्टर युनाईटेडले रोमान्चक जित निकालेको छ । आइतबार राति भएको खेलमा युनाईटेडले फुलहमलाई २-१ गोल अन्तरले हराएको हो ।
कतार विश्वकप अगाडिको अन्तिम खेलमा म्यानचेस्टरका लागि सब्स्टिच्युट एलेजान्ड्रो गारन्चोले ९३ औं मिनेटमा विजयी गोल गरे ।
यसअघि खेलको १४ औं मिनेटमा क्रिस्टियन एरिक्सनले गोल गर्दै युनाईटेडलाई सुरुआती अग्रता दिलायाका थिए । खेलको ६१ औं मिनेटमा डानिल जेम्सले गोल गर्दै फुलहमलाई १-१ गोलको बराबरीमा ल्याए । जितसँगै युनाईटेडले १४ खेलमा २४ अंक जोडेको छ ।
यो जितपछि म्यानचेस्टर २६ अंकका साथ पाँचौँ स्थानमा छ । फुहलम भने १९ अंकमा नवौं स्थानमा छ ।
आइतबार राती नै भएको अर्को खेलमा एस्टन भिल्लाले ब्राइटनलाई २-१ ले पराजित गरेको छ । भिल्लाले सिजनको पहिलो ‘अवे’ जित निकाल्ने क्रममा उसका लागि ड्यानी इन्ग्सले दुवै गोल गरे । हारले ब्राइटन २१ अंकमा सातौं स्थानमा झरेको छ भने भिल्ला १८ अंकमा १२ औं स्थानमा उक्लेको छ ।
Like
Love
Happy
Surprised
Sad
Excited
Angry
