पेरिस । पेरिस सेन्ट जर्मेन (पिएसजी) ले फ्रेन्च लिग वानमो लिलमाथि उसकै मैदानमा ७–१ को सानदार जित हात पारेको छ । पिएसजीको जितमा केलियन एमबाप्पेले हृयाट्रिक पूरा गर्दा नेमारले दुई तथा लियोनेल मेस्सी र अचरफ हाकिमीले समान एक-एक गोल गर्नुभयो । लिलका जोनाथन बम्बाले एक गोल फर्काउनुभएको थियो ।
खेलको ८ सेकेन्डमै एमबाप्पेको गोलबाट पिएसजीले सुरुवाती अग्रता लियो । २७औँ मिनेटमा नुनो मेन्डिसको पासमा मेस्सीले पिएसजीको अग्रता दोब्बर पार्नुभयो । ३९औँ मिनेटमा अचरफ हाकिमीले र ४३औँ मिनेटमा नेमारले गोल गरेपछि पिएसजी पहिलो हाफमा ४-० ले अघि रहृयो ।
५२औँ मिनेटमा नेमारले हाकिमीको पासमा गोल गर्दै पिएसजीलाई फराकिलो जिततर्फ अग्रसर गराउनुभयो । तर, ५४औँ मिनेटमा जोनाथनले गोल गर्दै खेललाई ५-१ को स्थितिमा ल्याउनुभयो । त्यसपछि एमबाप्पेले ६६औँ मिनेटमा तथा ८७औँ मिनेटमा गोल गर्दै हृयाट्रिक पूरा गरेसँग पिएसजी ७–१ को फराकिलो अन्तरले विजयी बन्यो ।
यो जितसँगै अपराजित रहेको पिएसजी तीन खेलबाट नौ अङ्क जोडेर शीर्षस्थानमा रहेको छ । पराजित लिल चार अङ्क जोडेर १२औँ स्थानमा रहेको छ ।
चेल्सी स्तब्ध
यता लन्डन क्लब चेल्सीले इङ्ग्लिस प्रिमियर लिगमा लिड्स युनाइटेडसँग लज्जास्पद हार बेहोर्यो । चेल्सीले लिड्स युनाइटेडसँग उसकै मैदानमा ३-० को लज्जास्पद हार बेहोरको हो । लिड्सको जितमा ब्रेन्डेर आरन्सन, रोड्रिगो र ज्याक हृयारीसनले गोल गर्नुभयो ।
खेलको ३३औँ मिनेटमा आरन्सनले गोल गर्दै लिड्सलाई सुरुवाती अग्रता दिलाउनुभयो । ३७औँ मिनेटमा रोड्रिगोले र ६९औँ मिनेटमा ज्याक हृयारीसनले गोल गर्दै चेल्सीलाई स्तब्ध पार्नुभयो । जितसँगै लिड्सको तीन खेलबाट सात अङ्क पुगेको छ । अपराजित रहेको लिड्सले दुई जित र एक बराबरीको नतिजा निकालेको छ । चेल्सीले समान एक जित, हार र बराबरीको नतिजा निकालेको छ । एजेन्सी ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच