काठमाडौं । सिसिआरसी र जेभियरले छैटौँ हिसान खेलकुद सप्ताहअन्तर्गत बास्केटबल उपाधि जितेका छन् । सिसिआरसी ब्वाइज तथा जेभियर गल्र्समा च्याम्पियन बने । सिसिआरसीले हिमालयन हृवाइटहाउसलाई ६१-४६ ले पराजित गर्यो ।
सिसिआरसीका समिप खत्रीले ३२ अंक जोड्नुभयो । गल्र्सको उपाधि भिडन्तमा जेभियरले साइपाल एकेडेमीलाई २४-१७ ले हरायो । जेभियरकी सृष्टि राईले १० अंक जोड्नुभयो ।
ब्वाइजमा सिसिआरसीका समिप र गल्र्समा जेभियरकी कृति चौधरी ‘मोस्ट भेलुएबल प्लेयर’ घोषित हुनुभयो । विजेतालाई राष्ट्रिय खेलकुद परिषद्का पूर्व सदस्य-सचिवसमेत रहनुभएका हिसानका अध्यक्ष रमेश सिलवाल, हिसानका उपाध्यक्ष हरि लामिछाने, केन्द्रीय सह-कोषाध्यक्ष नरेन्द्र अधिकारीलगायतले एक कार्यक्रमबीच पुरस्कृत गर्नुभयो ।
बास्केटबलको प्रतिस्पर्धासँगै खेलकुद सप्ताह सम्पन्न भएको छ । खेलकुद सप्ताहमा बास्केटबलसहित भलिबल, फुटसल र टग अफ वारमा प्रतिस्पर्धा भएको थियो ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता