बारा । बारामा शुक्रवार साँझ एकजना भारतीय नागरिकको गोली हानी हत्या भएको छ ।
बाराको सदरमुकाम कलैया देखि ७ किलोमीटर पूर्वमा रहेको महागढीमाई नगरपालिका २ स्थित भुतही पुल नजिक साँझ करिब ६ बजे भारतको छौडादानो पिप्राका ४५ बर्षीय शिवपुजन यादवको गोली हत्या गरिएको बाराका प्रहरी उपरीक्षक होबिन्द्र बोगटीले जानकारी गराउनु भयो ।
खाजा खाएर होटलबाट निस्केका यादवलाई दुईवटा मोटरसाइकलमा आएका अज्ञात व्यक्तिहरुले भारतीय नागरिक यादव माथि गोली प्रहार गरेको उहाँले बताउनुभयो ।
छातीमा गोली लागेर गम्भीर घाईते भएका यादवलाई उपचारका लागि नौतन स्थित एलएस न्युरो अस्पतालमा ल्याइएकोमा यादवको मृत्यु भएको उहाँले बताउनुभयो ।
घटनामा संलग्नहरुको खोजी भइरहेको उहाँले जानकारी दिनुभयो ।
यादव भारतीय प्रहरीको खोजी सुचीमा रहेको र लुकेर आफन्तको घरमा बस्दै आएको खुलेको उहाँले जानकारी दिनुभयो ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता