बैतडी । बैतडीमा सञ्चालन भएको मेनेजर तेजबहादुर चन्द स्मृति भलिबल प्रतियोगिताको उपाधि मेलौली नगरपालिकाले जितेको छ । बुधबार भएको फाइनल खेलमा दशरथचन्द नगरपालिकालाई तीन-एकको सोझो सेटले पराजित गर्दै मेलौलीले उपाधि जितेको हो ।
पहिलो सेट २५-२३ ले दनपाले आफ्नो पक्षमा पारेकोमा त्यसपछिका तीनै सेट मेलौलीले आफ्नो पक्षमा पारेको थियो । २५-२१, २५-१९ र २५-१६ ले आफ्नो पक्षमा पार्दै मेलौलीले उपाधि पक्का गरेको हो ।
उसले एक लाख २५ हजार नगद र ट्रफी हात पारेको छ । उपविजेता बनेको दशरथचन्द नगरपालिकाले नगद ७५ हजारसहित ट्रफी हात पारेको छ । तेस्रो स्थान हासिल गरेको पाटन नगरपालिकाले ३५ हजार नगदसहित ट्रफी प्राप्त गरेको छ ।
मेनेजर तेजबहादुर चन्द ट्रष्टको आयोजनामा यही मंसिर २५ गतेदेखि दशरथचन्द नगरपालिका ५ को दशरथचन्द खेलमैदान सुन्दरखालीमा प्रतियोगिता सञ्चालन भएको थियो । प्रतियोगितामा आयोजकसहित १० टिमले सहभागिता जनाएका थिए ।
Like
Love
Happy
Surprised
Sad
Excited
Angry
देशका अधिकांश जिल्लामा वर्षा, सतर्कता