लण्डन । लण्डन क्लब चेल्सी इंग्लिस प्रिमियर लिगको छैटौँ स्थानमा उक्लिएको छ । अमेरिकन एक्सप्रेस कम्युनिटी स्टेडियममा बुधबार राती सम्पन्न खेलमा ब्राइटनलाई २-१ गोल अन्तरले पराजित गर्दै चेल्सीले एक स्थान सुधार गरेको हो ।
खेलको ३४औँ मिनेटमा कोल पाल्मरले चेल्सीलाई सुरुवाती अग्रता दिलाउनुभएको थियो । ६४औँ मिनेटमा क्रिस्टोफर एनकुन्कुले अग्रता दोब्बर बनाउनुभयो । दोस्रो हाफको इन्जुरी समयको सातौँ मिनेटमा ड्यानी वेलबेकले गोल गरे पनि ब्राइटनले हार टार्न सकेन ।
जितसँगै चेल्सीले ३७ खेलबाट ६० अंक जोडेको छ । चेल्सीले युरोपा कन्फ्रेन्स लिगमा आफ्नो स्थान सुरक्षित गर्ने सम्भावना बढेको छ । पराजित ब्राइटन समान खेलबाट ४८ अंकसहित १०औँ स्थानमा छ ।
ADVERTISEMENT
यस्तै, लिगकै अर्को खेलमा म्यानचेस्टर युनाइटेडले न्युक्यासल युनाइटेडमाथि रोमाञ्चक जित हासिल गरेको छ । ओल्ड ट्राफोर्डमा बुधबार राती सम्पन्न खेलमा घरेलु टोली युनाइटेड ३-२ गोल अन्तरले विजयी भएको हो । जितसँगै आठौँ स्थानमा रहेको युनाइटेडले ३७ खेलबाट ५७ अंक जोडेको छ । समान खेल खेलेको न्युक्यासल समान अंकसहित सातौँ स्थानमा छ ।
खेलको ३१औँ मिनेटमा कोबी माइनुको गोलमार्फत् युनाइटेडले सुरुवाती अग्रता लिएको थियो । तर, ४९औँ मिनेटमा एन्थोनी गोर्डनले गोल गर्दै खेल बराबरीमा ल्याउनुभयो । त्यसको आठ मिनेटपछि नै अमद डायलोले गोल गर्दा युनाइटेड खेलमा २-१ ले अगाडि रहृयो । ८४औँ मिनेटमा रसमुस होजलुन्डले गोल गर्नुभयो । दोस्रो हाफको इन्जुरी समयको दोस्रो मिनेटमा लुइस हलले गोल गरे पनि न्युक्यासलको हार टार्न सक्नुभएन । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच