काठमाडौं । एसियन क्रिकेट काउन्सिल (एसिसी)ले आयोजना गर्ने प्रिमियर कप क्रिकेटमा नेपाल र ओमानले प्रतिस्पर्धा गर्ने भएका छन् । एसिसीले बिहीबार समूह र खेल तालिका परिवर्तन गरेसँगै नेपाल र ओमान भिड्ने भएका हुन् । वैशाख ५ देखि १८ गतेसम्म नेपालमा हुने प्रतियोगिताको समूह ‘ए’मा नेपाल, ओमान, कतार, मलेसिया र साउदी अरब छन् । यस्तै, समूह ‘बी’मा युएई, हङकङ, कुवेत, सिंगापुर र बहराइन छन् । नेपाल र ओमानबीचको खेलले एकदिवसीय अन्तर्राष्ट्रिय खेलको मान्यतासमेत पाउनेछ ।
खेल तालिकाअनुसार नेपालले पहिलो खेल वैशाख ५ मा)मलेसियासँग टियु क्रिकेट मैदानमा खेल्दै सुरुवात गर्नेछ । नेपालले दोस्रो खेल वैशाख ८ गते ओमानसँग टियुमा खेल्नेछ । यस्तै, वैशाख ११ मा साउदी अरेबियासँग र वैशाख १४ मा कतारसँग खेल्नेछ ।
सेमिफाइनलका खेलहरू वैशाख १६ गते हुनेछन् भने फाइनल खेल वैशाख १८ गते टियुमा हुनेछ । यदि फाइनलमा पानी परेको खण्डमा एक दिन रिजरर्भ डे राखिएको छ । तेस्रो स्थानका लागि अप्रिल ३० मा प्रतिस्पर्धा हुनेछ ।
यस प्रतियोगिताको विजेता टोलीले आगामी सेप्टेम्बरमा पाकिस्तानमा हुने एसिया कप खेल्न पाउनेछ । एसिया कपमा भारत, पाकिस्तान, श्रीलंका, बंगलादेश र अफगानिस्तानजस्ता टेस्ट राष्ट्रहरूसमेत खेल्नेछन् । यस्तै, शीर्ष तीन टोलीले जुलाईमा हुने एसिसी इमर्जिङ टिम्स एसिया कप खेल्न पाउनेछन् ।
Like
Love
Happy
Surprised
Sad
Excited
Angry
This is breaking news.
Video News Post
Breaking News with Advertisements
Breaking news with related posts