काठमाडौं । नेपाली राष्ट्रिय फुटबल टोलीका कप्तान किरणकुमार लिम्बूले एसिया कप छनोट खेल नेपालमै गर्नका लागि पहल गर्न प्रधानमन्त्री केपी शर्मा ओलीलाई आग्रह गर्नुभएको छ । सोमबार प्रधानमन्त्री ओलीसँगको भेटपछि उहाँले नेपालमै एएफसी एसिया कपको छनोट खेल आयोजना गर्नका लागि पहल गर्न प्रधानमन्त्रीसँग आग्रह गर्नुभएको हो । ‘सम्माननीय प्रधानमन्त्रीज्यूले खेलकुद मनोरञ्जनको साधनमात्र नभएर राष्ट्र निर्माणको आधार भएको बताउँदै नेपाली फुटबललाई विश्वस्तरमा पुर्याउन देखाउनुभएको दृढ इच्छाशक्ति र सहयोगप्रति हामी आभारी छौँ । नेपाली खेल क्षेत्रलाई नयाँ उचाइमा पुर्याउन भविष्यमा महत्वपूर्ण निर्णयहरू हुनेछन् भन्ने विश्वास छ,’ उहाँले प्रधानमन्त्रीसँगको भेटपछि सामाजिक सञ्जिालमा लेख्नुभएको छ, ‘हामीले नेपालमै एएफसी एसिया कपको छनोट खेल आयोजना गर्नका लागि सम्माननीय प्रधानमन्त्रीज्यूलाई पहलकदमीका लागि अनुरोध गरिसकेका छौँ । उहाँको सकारात्मक पहलकदमीले सकारात्मक परिणाम आउनेमा हामीलाई विश्वास छ ।’
कप्तान किरणले होम म्याच नेपालमै आयोजना गराउने वातावरण बनाउन यसअघि फुटबल संघ नेतृत्वलाई आग्रह गर्नुभएको थियो । एएफसी एसियन कप २०२७ को छनोट चरणको अन्तिम चरणमा नेपाल रहेको समूह ‘एफ’ मा भियतनाम, लाओस र मलेसिया छन् । जसअन्तर्गत नेपालले मार्च २५ मा होम म्याच मलेसियासँग खेल्नेछ । तर, दशरथ रंगशालाले अन्तर्राष्ट्रिय मान्यता पाउने वा नपाउने निश्चित नहुँदा नेपालले आफ्नो ‘होम म्याच’ घरेलु मैदानमा खेल्ने निश्चित छैन ।
ADVERTISEMENT
मलेसियासँगको खेलअघि नै दशरथ रंगशालाको गुणस्तर सुधार गर्दै अन्तर्राष्ट्रिय मान्यता कायम गराउन कप्तान किरणले प्रधानमन्त्री ओलीको ध्यानाकर्षण गराउनुभएको हो । खेलअघि एसियाली फुटबल महासंघका प्रतिनिधिले दशरथ रंगशालाको निरीक्षण गर्नेछन् । रंगशालाको मैदान खराब भएपछि नेपालले आफ्नो होम म्याचसमेत विदेशमा खेल्नुपरेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच