मेलवर्न । भारतसँगको चौथो टेस्टमा अस्ट्रेलियाले सानदार जित हासिल गरेको छ । चौथो टेस्टमा भारतलाई हराउँदै अस्ट्रेलियाले टेस्ट च्याम्पियनसिपको फाइनलमा स्थान बनाउने सम्भावना थप बलियो बनाएको छ ।
अस्ट्रेलियाले दिएको ३४० रनको लक्ष्य पछ्याएको भारत अन्तिम दिनको अन्तिम सेसनमा १५५ रनमा अलआउट भयो । ओपनर यशश्वी जैसवालले क्रिजमा टिक्दै सर्वाधिक ८२ रन बनाए पनि पर्याप्त हुन सकेन । रिषभ पन्तले ३० रन बनाउनुभयो ।
अस्ट्रेलियाका कप्तान प्याट कमिन्स र स्कट बोलान्डले ३-३ विकेट लिनुभयो भने नेथन लायनले २ तथा मिचेल स्टार्क र ट्राभिस हेडले १-१ विकेट लिनुभयो । अन्तिम दिनको पहिलो सेसनबाटै लक्ष्य पछ्याउन थालेको भारतले सबै विकेट गुमाएको हो ।
त्यसअघि पहिलो सेसनमा अस्ट्रेलियाले ४७४ रन बनाएर अलआउट भएको थियो भने जवाफमा भारतले नितिशकुमार रेड्डीको शतक मद्दतमा ३६९ रन बनाएको थियो । त्यसपछि अस्ट्रेलियाले १०५ रनको अग्रताबाट खेल्न सुरु गरी थप २३४ रन जोडेर कुल ३३९ रनको अग्रतासहित भारतलाई ३४० रनको बलियो लक्ष्य प्रस्तुत गरेको थियो ।
ADVERTISEMENT
पहिलो टेस्टमा भारत विजयी हुँदा दोस्रो टेस्ट अस्ट्रेलियाले जितेको थियो भने तेस्रो टेस्ट ड्र भएको थियो । अब अन्तिम टेस्ट जनवरी ३ देखि हुनेछ ।
टेस्ट च्याम्पियनसिपको फाइनलमा दक्षिण अफ्रिका छनोट भइसकेको छ । अब भारतको सम्भावना कम भएको छ । भारतले अब एक खेलमात्र खेल्न बाँकी छ भने अस्ट्रेलियाले भारतसँग एक खेल र श्रीलंकासँग दुई खेल खेल्न बाँकी छ ।
वल्र्ड टेस्ट च्याम्पियनसिप २०२३-२५ को फाइनल इंग्ल्याण्डको लड्र्समा आगामी जुन महिनामा हुँदैछ । सन् २०१९ देखि सुरु भएको टेस्ट च्याम्पियनसिपमा हालसम्मका दुई संस्करणमध्ये न्युजिल्याण्ड र अस्ट्रेलियाले एक-एकपल्ट जितेका छन् । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच