प्रिटोरिया । पाकिस्तानले दक्षिण अफ्रिकाविरुद्धको तीन खेलको एकदिवसीय शंखला ‘क्लिन स्विप’ गरेको छ । साइम अयुबले शतक बनाएपछि पाकिस्तानले तेस्रो एकदिवसीयमा घरेलु टोलीलाई डिएलएस मेथडअनुसार ३६ रनले पराजित गरेको हो ।
आइतबार राती जोहानेसबर्गस्थित द वन्डरर्स स्टेडियममा वर्षा प्रभावित खेलमा दक्षिण अफ्रिकाले टस जितेर पहिले फिल्डिङ गर्ने निर्णय लियो । ४७ ओभरमा झारिएको खेलमा पाकिस्तानले नौ विकेट गुमाएर ३०८ रनको योगफल तयार पार्यो ।
ओपनर अब्दुल्लाह साफिक गोल्डेन डक आउट भए पनि दोस्रो विकेटका अयुब र बाबर आजामले ११४ रनको साझेदारी गर्नुभयो । बाबरले ५३ रनको योगदान गर्नुभयो । अयुबले १०१ रनको सानदार इनिङ्स खेल्नुभयो । ९४ बल खेल्नुभएका उहाँले १३ चौका र दुई छक्का प्रहार गर्नुभयो । यो शृंखलामा अयुबको यो दोस्रो शतक हो । उहाँले सिरिजको पहिलो खेलमा पनि १०९ रन बनाउनुभएको थियो ।
ADVERTISEMENT
यस्तै, मोहम्मद रिजवानले ५३ रन थप्नुभयो । सलमान आघाले ४८ र तयब ताहिरले २८ रन बनाउनुभयो । बलिङतर्फ कागिसो राबडाले तीन विकेट लिनुभयो । जवाफी ब्याटिङमा उत्रिएको दक्षिण अफ्रिका २७१ रनमा अल आउट भयो । हेनरिच क्लासेनले सर्वाधिक ८१ रन जोड्नुभयो । पाकिस्तानका सुफियान मुकिमले चार विकेट हात पार्नुभयो । शाहीनशाह अफ्रिदी र नसीम साहले दुई-दुई विकेट लिनुभयो ।
दक्षिण अफ्रिकाले सन् २०२१ पछि घरेलु मैदानमा पाकिस्तानसँग शृंखला गुमाएको यो दोस्रो पटक हो । पाकिस्तानले पहिलो एकदिवसीयमा ३ विकेट र दोस्रोमा ८१ रनको जित हात पारेको थियो । यी दुई टिमबीच अब दुई खेलको टेस्ट शृंखला हुनेछ । उक्त शृंखला यही डिसेम्बर २६ देखि सुरु हुनेछ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच