काठमाडौं । साहित्यकार घटराज भट्टराईको ८३औं जन्मजयन्ती विविध साहित्यिक कार्यक्रमहरूका साथ सम्पन्न भएको छ । प्रखर पद्य कवि तथा साहित्यकार घटराज भट्टराईको जन्मजयन्ती मंसिर १० गतेको सन्दर्भ पारी उहाँकै नाममा सञ्चालिन घटराज मेमोरियल स्कुल कपनमा आयोजना भएको थियो । स्वर्गीय भट्टराईको नाममा स्थापित घटराज भट्टराई स्मारक कोषको आयोजनामा सम्पन्न उक्त कार्यक्रममा स्वर्गीय भट्टराईकी धर्मपत्नी तथा कोषको संरक्षक र अध्यक्ष प्रभा भट्टराईले कार्यक्रमको सभापतित्व गर्नुभएको थियो । कार्यक्रममा उक्त कोषकी सचिव तथा भट्टराईकी छोरी साधना भट्टराई दाहाललले स्वागत मन्तव्य राख्नुभएको थियो ।
प्रमुख अतिथि बूढानीलकण्ठ नगरपालिकाकी उपप्रमुख अनिता लामा रहनुभएको उक्त कार्यक्रमा वरिष्ठ साहित्यकार नेरेन्द्रराज पौडेल विशिष्ट अतिथि रहनुभएको थियो । उक्त कार्यक्रममा उक्त कोषका उपाध्यक्ष साहित्यकार प्रयागराज भट्टराई, कोषाध्यक्ष डा.राजेश भट्टराईले पनि बोल्नुभएको थियो । विद्यालय स्तरका ३३ जना विद्यार्थीहरूले घटराज भट्टराईद्वारा रचना गरिएका पद्य कविताहरू वाचन गरेर लय प्रतिस्पर्धामा भाग लिएका थिए ।
ADVERTISEMENT
विमला घिमिरेले सञ्चालन गर्नुभएको उक्त कार्यक्रमा यीबाहेक केही कविहरूले अप्रतियोगी कविताहरू वाचन गर्नुभएको थियो भने गायक माधव दाहालले लोकगीत गाउनुभएको थियो । रेणुका सोलु र रञ्जु दाहाल निर्णायक रहनुभएको उक्त प्रतियोगितामा हिमशीला बोर्डिङ स्कुल सरस्वतीनगरकी प्रेन्सी सुवेदी प्रथम, जुगल नवगुरुकुल बु.न.पा–१० की श्रेया विमली द्वितीय, शारदा एकेडेमी बु.न.पा-११ का सुजित थापामगर तृतीय तथा डिभाइन स्कुल टोखाका सफर लामिछाने र गौरीशंकर स्कुल ललितपुरकी रोजिना खत्रीले सान्त्वना पुरस्कार पाउनुभएको थियो । पुरस्कृत विद्यार्थीहरूलाई प्रमुख अतिथि लामाले पुरस्कार तथा प्रमाणपत्र प्रदान गर्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा