काठमाडौं । नेपाल अटोमोबाइल्स एसोसिएसन (नासा नेपाल)को आयोजनामा आगामी शुक्रबार र शनिबार मोटरसाइक्लिङ कार्निभल आयोजना हुनेभएको छ । यसअघि मोटरसाइक्लिङ फेस्टिभलको तीनवटा संस्करण सम्पन्न गरेको नासा नेपालले यस वर्षदेखि मोटरसाइक्लिङ कार्निभलको रूपमा सो इभेन्ट आयोजना हुन लागेको हो ।
विश्व पर्यटन दिवस (सेप्टेम्बर २७) को सन्दर्भमा आयोजना हुने सो कार्निभल पर्यटकीय नगरी नगरकोटमा हुने बताइएको छ । टुरिजम, पोलिसी डायलग तथा सेफ्टी र सस्टेनेबिलिटीको थिममा आयोजना हुने कार्यक्रमले दिगो पर्यटन, ड्राइभ टुरिजम, टु हिृवल टुरिङ, र मोटरसाइक्लिङ सेफ्टीमा विषेश अर्थ राख्ने आयोजकले जनाएको छ ।
कार्यक्रमको सुरुवात शुक्रबार अन्तर्कियाबाट हुनेछ, जसको विषय बागमती प्रदेशको दिगो पर्यटनमा ड्राइभ टुरिजम तथा टु हिृवल टुरिङ रहनेछ । शनिबार काठमाडौंदेखि नगरकोटसम्म टु हिृवल टुरिङ टु नगरकोट नामक मोटरसाइकल र्याली आयोजना हुनेछ । नगरकोटमा पोलिसी डायलग अन्तर्गत विमेन इन मोटरसाइक्लिङ, मोटरसाइक्लिङ सेफ्टी एन्ड सस्टेनेबिलिटी र टु हिृवल टुरिङ इन नेपाल गरी तीन विषयमा प्रस्तुतीकरण र छलफल हुनेछ ।
टु हिृवल टुरिङ इन नेपाल विषयमा पर्यटनविद् विनय शाक्य, मोटरसाइक्लिङ सेफ्टी एन्ड सस्टेनेबिलिटी विषयमा ई.गणशेखर श्रेष्ठ र विमेन इन मोटरसाइक्लिङ विषयमा प्रज्ञा अधिकारीले प्रस्तुतीकरण दिने तालिका छ । सबै विषयमा विभिन्न विज्ञले टिप्पणी गर्नेछन् ।
ADVERTISEMENT
मोटरसाइक्लिङ कार्निभलको सन्दर्भमा टग अफ वार, स्लो बाइक राइडिङ र हेल्मेट टावरलगायत विभिन्न प्रतिस्पर्धात्मक गेमहरु आयोजना गरिने नासा नेपालले जनाएको छ । सो अवसरमा केही भ्लगरले राइडिङ र टुरिङसम्बन्धी आफ्ना अनुभव सेयर गर्नेछन् ।
एफआइएमको अनुबन्ध अनुसार सो कार्यक्रम आयोजना हुने नासा नेपालको टुरिजम कमिसनले जनाएको छ । यस वर्षको विश्व पर्यटन दिवसको नारा ‘टुरिजम एण्ड पिस’ रहेको सन्दर्भमा एड्भञ्चर स्पोर्टस्, टुरिजम स्पोर्टस्, ड्राइभ टुरिजम र टु हिृवल टुरिङका यस वर्षका कार्यक्रमहरू घोषणा गरिनेछ ।
कार्निभललाई एफआईएम, नेपाल पर्यटन बोर्ड तथा मोटोभर्स स्पोर्टस् क्लवको सहयोग रहने छ । नासा नेपालले विगतदेखि नै टु हिृवल टुरिङमा नेतृत्वदायी भूमिका खेलिरहेको र एनटीबी तथा एफआइएमको सहयोगमा विभिन्न डेस्टिनेसनहरू रहेको गाइडलाइन सार्वजनिक गरिसकेको आयोजकले बताएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच