काठमाडौं । साफ महिला च्याम्पियनसिप अन्तर्गत नेपाल फाइनलमा प्रवेश गरेको छ । निर्धारित समयमा एक-एकको बराबरी भएपछि खेल टाइब्रेकरमा धकेलिएको थियो । टाइब्रेकरमा भारतलाई हराउँदै नेपाल फाइनलमा पुगेको हो । त्रिपुरेश्वरस्थित दशरथ रगंशालामा भएको दोस्रो सेमिफाइनलमा भारतलाई टाइब्रेकरमा चार-दुई गोल अन्तरले पराजित गर्दै नेपाल सेमिफाइनलमा पुगेको हो ।
नेपालको जितमा सावित्रा भण्डारी, गीता राना, सविता रानामगर, अमिसा कार्कीको प्रहार सफल भएको थियो । भारतकी मनिषा, के पुरुषोत्तमको प्रहार सफल हुँदा कप्तान आसालता र रञ्जना चानुको पेनाल्टी प्रहारमा चुक्नुभयो ।
भारतले खेलको ७१औं मिनेटमा गोल गर्दै अग्रता लिएको थियो । त्यसलगत्तै नेपालले पनि गोल गरेको थियो । नेपालकी प्रीति राईले गरेको गोलमा सुरुमा रेफ्रिले गोलको मान्यता दिएपनि भारतले प्रोटेष्ट गरेपछि उक्त गोलले मान्यता पाएको थिएन ।
त्यसपछि खेल रोकिएको थियो । रोकिएको एक घन्टापछि खेल सुरु भएको थियो । खेल सुरु भएको एक मिनेट भित्रै नेपालीकी सावित्रा भण्डारीले बराबरी गोल फर्काउनुभएको थियो । बराबरी गोल गरेपछि भण्डारीले गरेको गोल सेलिब्रेसनका कारण पहेँलो कार्ड नै पाउनुभयो । गोल गरेपछि उहाँले जर्सी खोलेर र मैदान बाहिर गएर गोल सेलिब्रेसन गर्नुभएको थियो । त्यही कारण रेफ्रीले उहाँलाई पहेँलो कार्ड दिएकी थिइन् ।
खेलमा नेपालकी फरवार्ड रेखा पौडेलले रातो कार्ड पाउनुभएको थियो । खेलको ५१ औं मिनेटमा दोहोरो पहेँलो कार्ड पाएपछि उहाँले मैदान छाडनुभएपछि नेपाली टिम १० खेलाडीमा सीमित भएको थियो ।
ADVERTISEMENT
रेखाले रातो कार्ड पाएपछि नेपाली दर्शकहरूले केहीबेर नाराबाजी गर्नुका साथै मैदानमा पानीको बोतलसमेत फालेका थिए । तनावका कारण केहीबेर खेल रोकिएको थियो । दर्शकहरू रेफ्री आउट भनेर नारा लगाएका थिए । मैदानको छेउमा उभिएर सुरक्षाकर्मीले दर्शकहरूलाई शान्त रहन भनेका थिए ।
म्याच कमिसनर लगायतले स्थितीलाई साम्य बनाएपछि खेल फेरि सुरु भएको थियो । नेपाली फरवार्ड सावित्रा भण्डारीले दर्शकलाई हात जोडेर शान्त रहन आग्रह गर्नुभएको थियो ।
नेपालले अब उपाधिका लागि बंगालदेशसँग भिड्नेछ । आइतबार भएको पहिलो सेमिफाइनलमा बंगलादेशले भुटानलाई सात-एक गोल अन्तरले हराउँदै फाइनलमा पुगेको थियो ।
यसअघिका चार संस्करणमा उपाधिका लागि भिडेका यी दुई टोली लगातार दोस्रोपटक सेमिफाइनलमा आमनेसामने भएका थिए ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
राजनीतिक नेतृत्व अभिभावक बन्ने कि
नेपाली राजनीति र वाराणसीका पण्डा